काँग्रेसमधील अंतर्गत कलह चव्हाट्यावर; सुनील जाखड यांचे मोठे विधान | Sakal
sakal

बोलून बातमी शोधा

Sunil Jakhar

काँग्रेसमधील अंतर्गत कलह चव्हाट्यावर; सुनील जाखड यांचे मोठे विधान

पंजाबमध्ये काँग्रेसच्या दारुण पराभवानंतर काँग्रेसमधील अंतर्गत कलहही चव्हाट्यावर येत आहे. नवज्योत सिंग सिद्धू मुख्यमंत्रिपदाचे उमेदवार असते तर परिवर्तनाचे वादळ थांबू शकले असते, असे वक्तव्य पंजाब काँग्रेसचे अध्यक्ष सुनील जाखड (Sunil Jakhar) यांनी केले आहे. सुनील जाखड हे पंजाब काँग्रेसच्या बड्या नेत्यांपैकी एक आहेत.

काँग्रेसच्या पराभवावर सुनील जाखड वृत्तवाहिनीशी बोलताना म्हणाले की, नवज्योतसिंग सिद्धू यांना संधी दिली असती, त्यांच्यावर भ्रष्टाचाराचे आरोप झाले नसते, त्यांच्यावर बादलांशी संगनमत केल्याचा आरोप झाला नसता. मला वाटते सिद्धू हे बदल थांबवू शकले असते. आम्ही रोगाचे आकलन बरोबर केले असले तरी रोगावरील औषध चुकीचे होते. लोकांना बदल हवा होता, असे सुनील जाखड (Sunil Jakhar) कॅप्टन अमरिंदर सिंग यांच्याबद्दल म्हणाले.

हेही वाचा: भगवंत मान बुधवारी एकटेच घेतली मुख्यमंत्रिपदाची शपथ; येथे होणार सोहळा

काही लोक मला अपमानित करण्याचा प्रयत्न करीत होते. ते सर्व मुख्यमंत्री झाले होते. परंतु, आता ते स्वतःच विहिरीत पडले आहेत. पंजाबच्या जनतेचे खूप चांगला निर्णय घेतला आहे. पंजाबमधील जनतेने पंजाबमध्ये नवा पर्याय निवडला म्हणून मी त्यांचे अभिनंदन करतो, असे काँग्रेसच्या पराभवावर नवज्योतसिंग सिद्धू (Navjot Singh Sidhu) म्हणाले होते.

काँग्रेस (Congress) नवज्योत सिंग सिद्धू यांच्या डीएनएमध्ये नाही. त्यांना काँग्रेसची संस्कृती माहीत नाही. सिद्धू यांनी चन्नी आणि त्यांच्याच सरकारवर प्रश्नचिन्ह सुरू केले तेव्हा प्रियांका गांधी आणि राहुल गांधींनी त्यांना काँग्रेसमधून बाहेर फेकायला हवे होते, असे पंजाबचे माजी उपमुख्यमंत्री सुखजिंदर सिंग रंधावा म्हणाले. पंजाबमध्ये आम आदमी पक्षाने काँग्रेसचा सफाया केला. पंजाबमध्ये आम आदमी पक्षाला ९२ जागा मिळाल्या, तर काँग्रेसला केवळ १८ जागा मिळाल्या.

Web Title: Internal Strife Within Congress Statement Of Sunil Jakhar Navjot Singh Sidhu Punjab Assembly Election

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top