Punjab Assembly Election: काँग्रेसची पसंती उच्चशिक्षितांना

चंडीगड : पंजाबमधील विधानसभा निवडणुकीत काँग्रेस आणि आम आदमी पक्ष यांच्यातच खरी लढत असल्याचे मानले जाते. काँग्रेसने यंदा अनेक नव्या उमेदवारांना संधी दिली असून या नव्या उमेदवारांपैकी अनेक जण तरुण आणि उच्चशिक्षीत आहेत. यातील काही जण सॉफ्टवेअर अभियंते आणि शिक्षक आहेत, तर काही जणांकडे नामांकित विद्यापीठांची पदवी आहे. काही जण राजकीय घराण्यांमधूनही आले आहेत. (Punjab Assembly Election)

याशिवाय नव्वदच्या दशकात मंत्रिपद भूषविलेल्या गुरनामसिंग खुराना यांचे पुत्र जगपालसिंग अबुल खुराना, शिक्षक राजिंदर कौर, गायक सिधू मूसेवाला, युवक काँग्रेसचे अमरप्रितसिंग लाली यांना काँग्रेसने संधी दिली असून हे सर्वजण प्रथमच निवडणूक लढवित आहेत.