Union Budget 2022 : भविष्याचा वेध घेणारा अर्थसंकल्प - फडणवीस

अर्थमंत्री निर्मला सीतारमण यांनी आज अर्थसंकल्प सादर केला. यावर राजकीय स्तरातून प्रतिक्रीया उमटत आहे. यातच विधानसभेचे विरोधी पक्ष नेते देवेंद्र फडणवीस (Devendra Fadnavis) यांनी अर्थसंकल्पावर सकारात्मक प्रतिक्रीया दिली आहे.

भविष्याचा वेध घेणारा, बलशाली भारत तयार करणारा हा अर्थसंकल्प असल्याचे फडणवीस म्हणाले. हा अर्थसंकल्प देशाला विकासाकडे नेणारा आहे. शेती क्षेत्रात २.३७ लाख कोटींची तरतूद ही आजपर्यंतच्या इतिहासातील सर्वांत मोठी तरतूद असल्याचेही फडणवीस म्हणाले. सोबत शेतकऱ्यांना समर्पित करणारा हा अर्थसंकल्प असून शेतकऱ्यांना याचा फायदा होणार आहे. टेक्नोलॉजीचा उपयोग करून शेतकऱ्यांना मार्केट एक्सेस मिळाला पाहिजे, या प्रयत्नातून हा अर्थसंकल्प असल्याचे फडणवीसांनी सांगितले.