School Financial Education
esakal
डॉ. वीरेंद्र ताटके - tatakevv@yahoo.com
बचत, खर्चाचे नियोजन, गुंतवणूक आणि आर्थिक शिस्त यांचे धडे लहानपणापासूनच मिळणे आवश्यक बनले आहे. शालेय जीवनात आर्थिक शिक्षणाची सुरुवात झाली, तर भविष्यात जबाबदार, आत्मनिर्भर आणि आर्थिकदृष्ट्या सक्षम नागरिक घडू शकतात. याच विषयावर शिक्षक आणि अनिकेत यांच्यात झालेला हा संवाद...
शिक्षक : अरे अनिकेत, आज अचानक इकडे कसा काय? (हसत) आणि पुन्हा शाळेत प्रवेश घेतलास का? शाळेचा गणवेश परिधान करून आला आहेस! छान दिसतो आहेस या गणवेशात.
अनिकेत : धन्यवाद सर. आज शेजारच्या शाळेत आलो होतो. माझ्या भावाच्या मुलाला शाळेत प्रवेश घेतला आहे. शाळा गेल्या महिन्यातच सुरू झाली आहे; पण आज आम्ही त्याला शाळेत सोडण्यासाठी घरातील सगळेजण आलो होतो. त्याला मॅचिंग म्हणून मी आणि भावाने शाळेच्या गणवेशासारखा ड्रेस घातला. शाळेतून थेट तुमच्याकडे गप्पा मारायला आलो.
