Premium|Financial planning after 50: वयाच्या पन्नाशीनंतर पैशांचे नियोजन कसे करावे..? काय करावे आणि काय टाळावे..?

लक्ष्मीकांत श्रोत्री - lshrotri@hotmail.com

पन्नाशीनंतरचे वय म्हणजे आयुष्याच्या दुसऱ्या पर्वाची सुरुवात. या टप्प्यावर आर्थिक स्थिरता, आरोग्य आणि निवृत्तीनंतरचा काळ यांचा विचार करून शहाणपणाने निर्णय घेणे अत्यावश्यक असते. वयाच्या पन्नाशीच्या पुढे पाऊल टाकल्यानंतर गुंतवणुकीचे उद्दिष्ट बदलते. या अत्यंत महत्त्वाच्या टप्प्यातील आर्थिक नियोजनासंदर्भात मार्गदर्शन करणारा हा लेख...

वयाच्या पन्नाशीनंतरचा काळ आर्थिकदृष्ट्या खूप महत्त्वाचा आहे. या वयात निवृत्ती जवळ येत असते, मुले स्वावलंबी होत असतात आणि आरोग्याशी संबंधित गरजा वाढत असतात. पूर्वी साधारणपणे ६० वर्षे हे निवृत्तीचे वय असायचे; पण आता काळ बदलतोय. खासगी कंपन्यांमध्ये हे वय आता कमी झाले आहे. काही वेळा स्वेच्छेने किंवा काही वेळा व्हीआरएस अथवा ले-ऑफमुळे निवृत्तीची वेळ आधीच येते. महागाईचे प्रमाण आणि जीवनशैली याचासुद्धा खूप मोठा परिणाम होऊ शकतो. वाढत्या वैद्यकीय संशोधनामुळे आयुर्मानही वाढते आहे. त्यामुळे आर्थिक नियोजनाचे महत्त्व खूप जास्त आहे. 

पन्नाशीनंतरचे वय म्हणजे आयुष्याच्या दुसऱ्या पर्वाची सुरुवात. या टप्प्यावर आर्थिक स्थिरता, आरोग्य आणि निवृत्तीनंतरचा काळ यांचा विचार करून शहाणपणाने निर्णय घेणे अत्यावश्यक असते. वयाच्या पन्नाशीच्या पुढे पाऊल टाकल्यानंतर गुंतवणुकीचे उद्दिष्ट बदलते. तरुण वयात जास्तीचा परतावा हे ध्येय असते; पण पन्नाशीनंतर गुंतवणुकीचा उद्देश असतो भविष्यातील स्थिर उत्पन्न, जोखमीपासून बचाव आणि निवृत्तीनंतरचा खर्च भागवणे. या लेखात आपण पन्नाशीनंतरच्या आर्थिक नियोजनासाठी काही महत्त्वाचे मुद्दे पाहणार आहोत. तसेच आर्थिक नियोजन करताना कोणत्या गोष्टी कराव्यात आणि कोणत्या टाळाव्यात, हेही पाहू या.