8th Pay Commission: सरकारी कर्मचाऱ्यांसाठी खुशखबर! आयोगाकडे ₹69,000 किमान वेतनासह जुनी पेन्शन योजनेचा प्रस्ताव; पगार किती वाढणार?

8th Pay Commission News Update: केंद्र सरकारी कर्मचाऱ्यांसाठीच्या आठव्या वेतन आयोगासंदर्भातील चर्चेने पुन्हा वेग घेतला आहे. एका प्रमुख कर्मचारी संघटनेने सरकारला आपले अंतिम निवेदन सादर केले असून, वेतनवाढीसंदर्भात मोठे बदल सुचवण्यात आले आहेत. या निवेदनातील सर्वात महत्त्वाच्या मागण्यांमध्ये किमान मूळ वेतन 69,000 रुपयांपर्यंत वाढवणे हा चर्चेचा विषय ठरत आहे.