Diwali Bonus: बॉसने कर्मचाऱ्यांची दिवाळी केली गोड! बोनस म्हणून कर्मचाऱ्यांना भेट दिली कार

Diwali Bonus: हरियाणातील पंचकुला येथील फार्मा कंपनीच्या कर्मचाऱ्यांसाठी यंदाची दिवाळी ही खास आहे. पंचकुलातील एका फार्मा कंपनीच्या मालकाने आपल्या कर्मचार्‍यांची मेहनत आणि प्रामाणिकपणा पाहून त्यांना 12 कर्मचाऱ्यांना कार दिवाळी भेट म्हणून दिल्या आहेत.

मिट्सकार्ट कंपनीचे मालक एमके भाटिया यांनी सांगितले की, ते त्यांच्या कर्मचाऱ्यांना कर्मचारी मानत नाहीत. माझ्यासाठी ते सगळे स्टार्स, सेलिब्रिटी आहेत. अनेक वर्षांच्या मेहनतीने आणि कर्मचाऱ्यांच्या मदतीने त्यांनी एक कंपनी बनवली आणि आज त्यांच्यामुळेच ते मोठ्या उंचीवर पोहोचले आहेत.

असे अनेक कर्मचारी आहेत ज्यांना गाडी कशी चालवायची हे देखील माहित नाही ते आता गाडी चालवायला शिकत आहेत. एमके भाटिया यांनी सांगितले की, ज्या कर्मचाऱ्यांना त्यांनी कार दिली आहे. त्यांनी रात्रंदिवस त्यांच्यासोबत काम करून कंपनीच्या उभारणीत मदत केली आहे. स्वतःची कार असावी असे प्रत्येकाचे स्वप्न असते आणि मी माझ्या कर्मचाऱ्यांचे स्वप्न पूर्ण केले आहे.

ज्यांना दिवाळी गिफ्ट मिळाले त्यांच्यामध्ये कंपनीचा ऑफिस बॉय देखील आहे. विशेष म्हणजे काही कर्मचाऱ्यांना गाडी कशी चालवायची हे देखील माहित नाही. कंपनी त्यांना भेट म्हणून कार देईल, असे स्वप्नातही वाटले नव्हते. कंपनीने ऑफिस बॉय मोहितला एक कारही भेट दिली आहे. भाटिया म्हणतात की, मोहित सुरुवातीपासूनच कंपनीसोबत आहे आणि पूर्ण मेहनत आणि समर्पणाने काम करतो.