Investment: भारतात गुंतवणुकीची क्रांती! 84% भारतीय आणि 56% महिला आता स्वतः घेतात आर्थिक निर्णय

DSP Winvestor Pulse 2025–26 Report: मुंबईतल्या तिच्या राहत्या घरी आदिती टीव्हीवर बातम्या ऐकत होती. सगळीकडे इराण-इस्रायल आणि अमेरिका यांच्यातील तणाव आणि त्याचे जागतिक परिणाम चर्चेत होते. त्यातच गेल्या आठवड्यात शेअर बाजारात झालेल्या मोठ्या घसरणीची बातमीही समोर येत होती. मात्र घसरणीला घाबरण्याऐवजी आदितीने ती संधी म्हणून पाहिली. काही वर्षांपूर्वी अशा वेळी ती नक्कीच कोणाचा सल्ला घेतली असती. पण आता ती स्वतः निर्णय घेते. तिने आपल्या मोबाईलवरील म्युच्युअल फंड अॅप उघडले आणि काही क्लिकमध्येच गुंतवणूक केली. ही फक्त आदितीची गोष्ट नाही, तर शहरी भारतातील नव्या गुंतवणूकदारांची मानसिकता दर्शवणारी सध्याची स्थिती आहे.