Maharashtra Budget 2024: ग्रामसडक योजना ते सागरी बंदर; पायाभूत सुविधांसाठी अर्थसंकल्पात मोठ्या घोषणा

Maharashtra Interim Budget 2024: महाराष्ट्राचे अर्थमंत्री अजित पवार यांनी मंगळवारी विधानसभेत अंतरिम अर्थसंकल्प सादर केला. हे निवडणुकीचे वर्ष असल्याने अर्थसंकल्प अंतरिम होता. या अर्थसंकल्पात सरकारच्या पुढील 4 महिन्यांच्या खर्चासाठी तरतूद केली आहे.

Maharashtra Budget 2024Sakal

Maharashtra Assembly Interim Budget Session 2024: महाराष्ट्राचे अर्थमंत्री अजित पवार यांनी मंगळवारी विधानसभेत अंतरिम अर्थसंकल्प सादर केला. हे निवडणुकीचे वर्ष असल्याने अर्थसंकल्प अंतरिम होता. या अर्थसंकल्पात सरकारच्या पुढील 4 महिन्यांच्या खर्चासाठी तरतूद केली आहे.

पायाभूत सुविधांकरिता मोठ्या प्रमाणात भांडवली गुंतवणूक करण्यात आली आहे. तसेच नागरिकांचे जीवनमान उंचावण्याकरिता विविध विकास योजनांवर भर देण्यात आला आहे. राज्याच्या एकूण खर्चासाठी 6 लाख 522 कोटी रुपयांची तरतूद असलेला अंतरिम अर्थसंकल्प अर्थमंत्री अजित पवार यांच्याकडून विधानसभेत सादर करण्यात आला.

अर्थसंकल्पात पायाभूत सुविधांसाठी खालील तरतुदी करण्यात आल्या आहेत.
विरार-अलिबाग बहुउद्देशीय मार्गाकरीता भूसंपादनासाठी 22 हजार 225 कोटी
पुणे चक्राकार वळण मार्गाकरीता भूसंपादनासाठी 10 हजार 519 कोटी
जालना-नांदेड द्रुतगती महामार्गाच्या भूसंपादनासाठी 2 हजार 886 कोटी रुपये
सन 2024-25 या वर्षासाठी कार्यक्रम खर्चाकरिता नगरविकास विभागाला 10 हजार 629 कोटी रुपये
सार्वजनिक बांधकाम (रस्ते) विभागाला 19 हजार 936 कोटी रुपये

महाराष्ट्र राज्य पायाभूत सुविधा विकास महामंडळामार्फत ॲन्युईटी योजना भाग-2 अंतर्गत 7 हजार 500 किलोमीटर रस्त्यांची कामे
मुख्यमंत्री ग्रामसडक योजनेच्या टप्पा 2 मधील 7 हजार 600 कोटी रुपये खर्चून 7 हजार किलोमीटर लांबीच्या रस्त्यांचा विकास
कल्याण-मुरबाड, पुणे-नाशिक आणि सोलापूर-तुळजापूर-धाराशिव या नवीन रेल्वे मार्गांचे भूसंपादन सुरु
फलटण-पंढरपूर, कांपा-चिमूर-वरोरा, जालना-जळगाव आणि नांदेड-बिदर या नवीन रेल्वे मार्गांकरिता 50 टक्के आर्थिक सहभाग

Maharashtra Budget Railway: फलटण पंढरपूर रेल्वेला मान्यता, विदर्भातील शकुंतला पुन्हा सुरू होणार, अजित पवारांच्या मोठ्या घोषणा

जालना-खामगाव, आदिलाबाद-माहूर-वाशिम, नांदेड-हिंगोली, मूर्तिजापूर-यवतमाळ शकुंतला रेल्वे आणि पुणे-लोणावळा मार्गिका 3 व 4 या रेल्वे मार्गांकरिता 50 टक्के आर्थिक सहभाग
वाढवण बंदर विकास प्रकल्पात महाराष्ट्र सागरी मंडळाचा 26 टक्के सहभाग- एकूण किंमत 76 हजार 220 कोटी रुपये
सागरमाला योजनेअंतर्गत मुंबईत गेट वे ऑफ इंडियालगत रेडिओ क्लब सुसज्ज जेट्टीचे, 229 कोटी 27 लाख रुपये किंमतीचे बांधकाम

भगवती बंदर, रत्नागिरी-300 कोटी रुपये, सागरी दुर्ग जंजिरा, रायगड-111 कोटी रुपये, एलिफंटा, मुंबई-88 कोटी रुपये बंदर विकासाची कामे
मिरकरवाडा, रत्नागिरी बंदराचे आधुनिकीकरण-2 हजार 700 मच्छीमारांना फायदा
छत्रपती संभाजीनगर येथील विमानतळाच्या विस्ताराकरिता भूसंपादनासाठी 578 कोटी 45 लाख रुपयांचा निधी

Maharashtra Budget 2024: अजित पवारांच्या अर्थसंकल्पातील 10 महत्त्वाच्या घोषणा कोणत्या?

सन 2024-25 या वर्षासाठी कार्यक्रम खर्चाकरिता ग्रामविकास विभागाला 9 हजार 280 कोटी रुपये
गृह-परिवहन, बंदरे विभागाला 4 हजार 94 कोटी रुपये
उद्योग क्षेत्राच्या विकासासाठी सुधारित औद्योगिक, इलेक्ट्रॉनिक्स, अवकाश व संरक्षण उत्पादनाचे सुधारित धोरण तसेच नवीन सुक्ष्म, लघू व मध्यम उपक्रम धोरण

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Ajit Pawar