RBI Gold Reserves: काय सांगता! आरबीआयने एका वर्षात तब्बल 57.5 टन सोने केले खरेदी; काय आहे यामागचा हेतू?

RBI Gold Reserves: भारतीय रिझर्व्ह बँकेने (RBI) 2024-25 या आर्थिक वर्षात आतापर्यंत एकूण 57.5 टन सोने खरेदी केले आहे, ज्यामुळे देशाचा एकूण सोन्याचा साठा 879.6 टन झाला आहे. ही खरेदी गेल्या सात वर्षांतील दुसऱ्या क्रमांकाची सर्वात मोठी वार्षिक खरेदी मानली जाते. .सोन्याकडे नेहमीच एक सुरक्षित आश्रयस्थान म्हणून पाहिले जाते, म्हणजेच अडचणीच्या वेळी उपयोगी पडणारी गोष्ट. सामान्य लोकांसोबतच आता रिझर्व्ह बँकही आपल्या सोन्याच्या साठ्यात वाढ करत आहे. यामागील आरबीआयची रणनीती अशी आहे की ती आपल्या परकीय चलन साठ्यात विविधता आणत आहे..आरबीआय वारंवार सोने का खरेदी करत आहे?.जागतिक आर्थिक अनिश्चितता आणि डॉलरची स्थिती लक्षात घेऊन आरबीआयने ही खरेदी केली आहे. अमेरिकन डॉलरच्या अस्थिरतेमुळे आणि पाश्चात्य अर्थव्यवस्थांकडून येणाऱ्या दबावामुळे जगभरातील अनेक मध्यवर्ती बँका त्यांच्या साठ्यातील सोन्याचा वाटा वाढवत आहेत. भारतही आपला साठा मजबूत आणि संतुलित करण्यासाठी या दिशेने वाटचाल करत आहे..इकॉनॉमिक टाईम्सच्या अहवालानुसार, रिझर्व्ह बँक ऑफ इंडिया (RBI) ने आतापर्यंतची सर्वाधिक सोने खरेदी 2021-22 या आर्थिक वर्षात केली होती, त्यावेळी एकूण 66 टन सोने खरेदी केले होते. यानंतर, 2022-23 मध्ये 35 टन आणि 2023-24 मध्ये 27 टन सोने खरेदी करण्यात आले..India-Pak Tension: युद्धाच्या भीतीमुळे शेअर बाजार कोसळतो; अशा परिस्थितीत गुंतवणूकदारांनी काय केलं पाहिजे?.2024-24 या आर्थिक वर्षात सोन्याच्या खरेदीलाही वेग आला आहे. या ट्रेंडमागील मुख्य कारण जागतिक स्तरावर वाढती अनिश्चितता आणि डॉलरची अस्थिरता मानली जाते. नोव्हेंबर 2024 मध्ये डोनाल्ड ट्रम्प अमेरिकेचे अध्यक्ष म्हणून पुन्हा निवडून आल्यानंतर, डॉलरमध्ये सतत चढ-उतार दिसून येत आहे. .ज्यामुळे गुंतवणूकदारांचा कल पुन्हा एकदा सुरक्षित पर्याय मानल्या जाणाऱ्या सोन्याकडे वाढला आहे. भारताच्या परकीय चलन साठ्यात विविधता आणण्यासाठी आणि जागतिक आर्थिक संकटापासून संरक्षण करण्यासाठी आरबीआयची ही रणनीती महत्त्वाची मानली जाते..भारतातील सोने कुठे ठेवले जाते?.देशातील बहुतेक सोन्याचे साठे इंग्लंड आणि इतर परदेशी बँकांमध्ये ठेवलेले आहेत. 2024च्या पहिल्या तिमाहीत, भारत सर्वात जास्त सोने खरेदी करणाऱ्या देशांमध्ये आघाडीवर होता. जागतिक बाजारात सोन्याच्या किमती वाढल्या असूनही हे पाऊल उचलण्यात आले आहे..Reliance Industries: रिलायन्सने केला नवा विक्रम! 10 लाख कोटींच्या इक्विटीचा टप्पा गाठणारी पहिली भारतीय कंपनी.अडचणीच्या वेळी कसे उपयुक्त ठरेल?.तज्ज्ञांचा असा विश्वास आहे की आरबीआयच्या या धोरणामुळे केवळ आर्थिक स्थिरता वाढणार नाही तर आंतरराष्ट्रीय व्यवहार आणि परदेशी कर्जाचा धोका देखील कमी होईल. याशिवाय, जागतिक स्तरावर भारतीय रुपया मजबूत करण्याच्या दिशेने हा एक धोरणात्मक प्रयत्न मानला जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.