Sakal Money : शेअर बाजार व सोन्यातील तेजीची झेप कुठवर असेल? ‘सकाळ मनी’ द्विवर्षपूर्तीनिमित्त खास कार्यक्रम

Pune News : पर्सनल फायनान्स क्षेत्रातील एकमेव विश्वासार्ह मराठी मासिक असलेल्या ‘सकाळ मनी’ला नुकतीच दोन वर्षे पूर्ण झाली. या दोन वर्षांत वाचक-गुंतवणूकदारवर्गाकडून मिळालेला प्रतिसाद उत्साहवर्धक आहे. या द्विवर्षपूर्तीनिमित्ताने वाचक-गुंतवणूकदारांसाठी खास कार्यक्रमाचे आयोजन करण्यात येत आहे.

सध्या शेअर बाजार आणि सोने-चांदी या गोष्टी योगायोगाने तेजीत असून, त्यांनी उच्चांकी शिखर गाठले आहे. अशावेळी या तेजीमागची कारणे काय आहेत, तसेच या तेजीची झेप कुठवर असेल, असे प्रश्न सर्वसामान्य गुंतवणूकदारांच्या मनात येत आहेत. नेमक्या याच प्रश्नांचा तज्ज्ञांकडून वेध घेतला जाणार आहे. त्यानंतर आपल्या मनातील प्रश्नांची उत्तरेही दिली जातील.

आदित्य बिर्ला सनलाईफ म्युच्युअल फंडाचे मुख्य गुंतवणूक अधिकारी (CIO) महेश पाटील (मुंबई) आणि पीएनजी अँड सन्सचे मुख्य कार्यकारी अधिकारी (CEO) अमित मोडक (पुणे) या तज्ज्ञांकडून उपस्थितांना मार्गदर्शन मिळणार आहे.

या कार्यक्रमाला सर्वांना विनामूल्य प्रवेश असेल. मात्र, सभागृहाची आसनसंख्या मर्यादित असल्यामुळे ‘प्रथम येणाऱ्यास प्राधान्य’ या तत्वावर प्रवेश दिला जाईल. काही जागा राखीव असतील.

कार्यक्रम कधी व कोठे?

वार व तारीख : शनिवार, ता. १३ एप्रिल २०२४

वेळ : सकाळी १० ते दुपारी १

स्थळ : बालशिक्षण मंदिर सभागृह, मयूर कॉलनी, कोथरूड, पुणे-३८