Aadhaar ATM: पैसे काढण्यासाठी बँक आणि ATMमध्ये जाण्याची गरज नाही; अशा प्रकारे मिळवा घरबसल्या कॅश

Aadhaar ATM: बँका आणि एटीएममधून पैसे काढण्याची पद्धत आता जुनी झाली आहे. आता तुम्ही इंडिया पोस्ट पेमेंट बँकेद्वारे ऑनलाइन आधार ATM (AePS) सेवेचा लाभ घेऊन सहज पैसे काढू शकता.

Aadhaar ATMSakal

Aadhaar ATM: बँका आणि एटीएममधून पैसे काढण्याची पद्धत आता जुनी झाली आहे. आता तुम्ही इंडिया पोस्ट पेमेंट बँकेद्वारे ऑनलाइन आधार ATM (AePS) सेवेचा लाभ घेऊन सहज पैसे काढू शकता. या सुविधेअंतर्गत पोस्टमन तुमच्या घरी येऊन तुम्हाला रोख रक्कम काढण्यास मदत करेल.

इंडिया पोस्ट पेमेंट बँकेने सोशल मीडियावर केलेल्या पोस्टनुसार, जर तुम्हाला अचानक पैसे काढण्याची गरज भासली आणि तुमच्याकडे बँकेत जाण्यासाठी वेळ नसेल, तर तुम्ही इंडिया पोस्ट पेमेंटच्या आधार एटीएम सेवेचा (AePS) लाभ घेऊ शकता. तुम्ही घरबसल्या सहज पैसे काढू शकता. यामध्ये पोस्टमन तुमच्या घरी येऊन पैसे काढण्यास मदत करेल.

In need of urgent cash but don’t have time to visit the bank? Worry not! With @IPPBOnline Aadhaar ATM (AePS) service, withdraw cash from the comfort of your home. Your Postman now helps you to withdraw cash at your doorstep. Avail Now!

👉For more information Please visit:… pic.twitter.com/4NNNM6ccct
— India Post Payments Bank (@IPPBOnline) April 8, 2024

AePS म्हणजे काय?

AePS म्हणजे Aadhaar Enabled Payment System. याद्वारे कोणतीही व्यक्ती आपल्या बायोमेट्रिक्सचा वापर करून आधार लिंक केलेल्या खात्यातून सहज पैसे काढू शकते. यामध्ये तुम्हाला बँकेत जाण्याचीही गरज नाही आणि तुमचा वेळही वाचेल. जे लोक बँकेत जाऊ शकत नाहीत त्यांच्यासाठी ही पद्धत खूप उपयुक्त आहे. AePS वापरण्यासाठी, ग्राहकाचे बँक खाते आधारशी लिंक करणे आवश्यक आहे.

Tesla in India: इलॉन मस्क पुण्यात उभारणार टेस्लाचा प्रकल्प? मुकेश अंबानींशी चर्चा सुरु

रोख रक्कम काढण्याबरोबरच या सुविधाही उपलब्ध

आधार पेमेंट सिस्टममध्ये, ग्राहकाच्या आधारचा वापर करून रोख रक्कम काढता येते. याद्वारे तुम्ही शिल्लक तपासू शकता, रोख पैसे काढू शकता आणि पैसे पाठवू शकता. याशिवाय तुम्ही आधार ते आधार फंड ट्रान्सफर देखील करू शकता आणि खात्याचे मिनी स्टेटमेंट तयार करू शकता.

किती शुल्क आकारले जाईल?

IPPB ने त्यांच्या FAQ मध्ये माहिती दिली आहे की जर ग्राहकांना त्यांच्या घरी रोख रक्कम मिळवायची असेल तर त्यासाठी कोणतेही शुल्क भरण्याची गरज नाही. परंतु, जर तुम्ही डोअर स्टेप सेवा वापरत असाल, तर बँक तुमच्याकडून निश्चितपणे त्यासाठी सेवा शुल्क आकारेल.

Adani Group: पुण्याच्या आयटी हबमध्ये अदानी करणार मोठी गुंतवणूक; 25 एकर जमीन केली खरेदी, काय आहे प्लॅन?

तुम्ही आधार ATM कसे वापरू शकता?

यासाठी तुम्हाला IPPB च्या अधिकृत वेबसाईटवर जाऊन डोअर स्टेप बँकिंगचा पर्याय निवडावा लागेल.
येथे तुम्ही तुमचे नाव, मोबाईल नंबर, ईमेल आयडी, पत्ता, पिन कोड, तुमच्या घराजवळील सर्वात जवळचे पोस्ट ऑफिस आणि तुमचे खाते असलेल्या बँकेचे नाव टाका.
यानंतर तुम्हाला I Agree या पर्यायावर क्लिक करावे लागेल.
त्यानंतर काही वेळातच पोस्टमन तुमच्या घरी रोख रक्कम घेऊन येईल.
NPCI ने AePS द्वारे 10,000 रुपयांपर्यंत रोख व्यवहाराची मर्यादा सेट केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Banking