IPO News Update : ‘पीएनजी ज्वेलर्स’चा ‘आयपीओ’साठी अर्ज

मुंबई : महाराष्ट्रातल्या नामांकित ज्वेलर्समध्ये दुसरा क्रमांक असलेल्या ‘पीएनजी ज्वेलर्स’तर्फे आयपीओसाठी ‘सेबी’कडे ‘डीआरएचपी’ सादर करण्यात आला आहे. ‘पीएनजी ज्वेलर्स’तर्फे दहा रुपये दर्शनी मूल्याचे अकराशे कोटी रुपयांचे शेअर विक्रीला आणले जातील.

यातील रकमेतून राज्यात १२ नवी दालने उघडली जातील, तर उरलेली रक्कम कंपनीची जुनी कर्जे फेडण्यासाठी; तसेच कंपनीच्या अन्य उद्दिष्टांसाठी वापरली जाईल. महाराष्ट्रात सर्वाधिक दुकाने असलेल्या बड्या आणि नव्या युगाच्या ज्वेलर्समध्ये ‘पीएनजी ज्वेलर्स’चा दुसरा क्रमांक लागतो. कंपनीची २०२१ ते २०२३ दरम्यान महसूलवाढ भारतात सर्वांत जास्त आहे.

गेल्या वर्षअखेरीस कंपनीच्या दालनांची संख्या ३३ झाली असून, त्यातील ३२ दालने महाराष्ट्रातील १८ शहरांमध्ये व गोव्यात आहेत, तर एक दुकान अमेरिकेत आहे. या दुकानांचा एकूण रिटेल एरिया ९५ हजार ८८५ चौरस फूट आहे. यातील २३ दुकाने त्यांच्या मालकीची आहेत.