Share Market Investment Tips: कालच्या घसरणीनंतर आज 'या' शेअर्समध्ये करा गुंतवणूक; काय आहे तज्ज्ञांचा सल्ला?

Share Market Investment Tips: गुरुवारी दिवसभरातील चढ-उतारानंतर बाजार घसरणीसह बंद झाला. व्यवहाराच्या शेवटी, सेन्सेक्स 294.32 अंकांनी अर्थात 0.47 टक्क्यांनी घसरून 62848.64 वर आणि निफ्टी 91.90 अंकांनी म्हणजेच 0.49 टक्क्यांनी घसरून 18634.50 वर बंद झाला.

आज कशी असेल बाजाराची स्थिती?

शेवटच्या ट्रेडिंग तासात झालेल्या मोठ्या करेक्शनमुळे सेन्सेक्स 63000 च्या खाली गेला. नुकत्याच झालेल्या तेजीनंतर गुरुवारी रिऍल्टी शेअर्समध्ये मोठी घसरण झाली.

शिवाय एमपीसीने आधीच दरांमध्ये यथास्थिती राखणे अपेक्षित होते. पण या आर्थिक वर्षातील महागाईवर आरबीआयच्या भाष्यामुळे बाजारातील सेंटीमेंटवर परिणाम झाला.

तांत्रिकदृष्ट्या, निफ्टीने डेली चार्टवर एक लाँग बियरीश कँडल तयार केली आहे, जी सध्याच्या पातळीपासून बाजारात आणखी कमजोरी दर्शवते. पण, इंडेक्सचा मिडियम टर्म कल तेजीचा राहिला आहे.

जोपर्यंत इंडेक्स 18725 च्या खाली व्यापार करत आहे, तोपर्यंत टेक्निकल करेक्शन चालू राहण्याची शक्यता आहे. या दरम्यान निफ्टी 18600-18550 पर्यंत घसरू शकतो. 18520 च्या स्टॉप लॉससह कॉन्ट्रा ट्रेडर्स निफ्टीमध्ये 18550 च्या आसपास लाँग पोझिशन्स घेऊ शकतात.

आजचे टॉप 10 ऍक्शन शेअर्स कोणते?

• ग्रासिम (GRASIM)

• कोटक बँक (KOTAKBANK)

• सन फार्मा (SUNPHARMA)

• टाटा कंझ्युमर (TATACONSUM)

• टेक महिन्द्रा (TECHM)

• इंडियन हॉटेल (INDHOTEL)

• हिंदुस्थान पेट्रोलियम (HINDPETRO)

• एम फॅसिस (MPHASIS)

• कमिन्स इंडिया (CUMMINSIND)

• आयडीएफसी फर्स्ट बँक (IDFCFIRSTB)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.