Share Market Opening : शेअर बाजाराची दमदार ओपनिंग; सेन्सेक्स 66,000 पार

Stock Market Opening : आज शेअर बाजाराची सुरूवात अगदी दमदार झाली आहे. गेले तीन दिवस मंदीमध्ये असणारा शेअर बाजार आज तेजीत उघडला. 1300 पेक्षा अधिक शेअर्स आज ग्रीन मार्कवर उघडले. मिडकॅप-स्मॉलकॅप शेअर्समध्ये देखील तेजी दिसून आळी.

आज बाजार उघडताना सेन्सेक्स 93.68 अंकांनी वर जाऊन 66,063 अंकांवर पोहोचला (Sensex Today) होता. तर, निफ्टी 49.95 अंकांनी वर जाऊन 19,844 अंकांवर उघडला.

सेक्टोरल इंडेक्स

बँक निफ्टी, एफएमसीजी आणि खासगी बँका वगळता बाकी सर्व सेक्टोरल इंडेक्स तेजीत आहेत. मेटल सेक्टर 1.06 टक्के, तर ऑइल अँड गॅस 0.82 टक्के तेजीत आहेत. मीडिया सेक्टरमध्ये देखील 0.48 टक्के तेजी दिसून आली.

आशियाई बाजारांची स्थिती

आशियाई शेअर मार्केटमध्ये मिश्र प्रतिसाद दिसून आला. जपान, हाँगकाँग या देशांच्या शेअर मार्केटमध्ये मंदी दिसली. तर, कोरियाचा कोस्पी हा काही प्रमाणात तेजीत होता.