Share Market Opening: शेअर बाजारात पुन्हा तेजी; सेन्सेक्स 80,000च्या वर, कोणते शेअर्स चमकले?

Share Market Today: देशांतर्गत शेअर बाजार कालच्या तुलनेत आज रिकव्हरीसह उघडले. सेन्सेक्स 80,000 च्या वर व्यवहार करत होता. मिड-स्मॉलकॅप निर्देशांकही स्थिर होते. निफ्टी 50 अंकांच्या वाढीसह 24,380 च्या आसपास उघडला.
Stock Market
Stock Market UpdateSakal

Share Market Opening Latest Update 11 July 2024: देशांतर्गत शेअर बाजार कालच्या तुलनेत आज रिकव्हरीसह उघडले. सेन्सेक्स 80,000 च्या वर व्यवहार करत होता. मिड-स्मॉलकॅप निर्देशांकही स्थिर होते. निफ्टी 50 अंकांच्या वाढीसह 24,380 च्या आसपास उघडला. सेन्सेक्स 150 अंकांच्या वाढीसह 80,170 वर उघडला. टाटा स्टील, टाटा मोटर्स, टायटन, टीसीएस, हिंदाल्को या शेअर्सनी वाढ नोंदवली.

बुधवारच्या प्रॉफिट बुकींगनंतर आज निफ्टी आणि सेन्सेक्स महत्त्वाच्या पातळीवर उघडले. निफ्टी महत्त्वाच्या मूव्हिंग ॲव्हरेजच्या आसपास आहे आणि तज्ञांचा असा विश्वास आहे की निफ्टी 24250 च्या खाली गेल्याने काही डाउनसाइड पातळी सक्रिय होऊ शकतात आणि नफा बुकिंग निर्देशांकावर वर्चस्व निर्माण होऊ शकते.

मात्र, आज बाजारात खरेदीचा कल कायम आहे. आजच्या ट्रेडिंगमध्ये, IT कंपन्यांच्या शेअर्सवर लक्ष केंद्रित केले जाईल कारण TCS कंपनी पहिल्या तिमाहीतील कमाईचा अहवाल सादर करणार आहे.

Share Market Today
Share Market OpeningSakal

सेन्सेक्सचे 22 शेअर्स तेजीत

सेन्सेक्सवर 30 शेअर्स लिस्ट आहेत, त्यापैकी 22 शेअर्स तेजीत आहेत. टाटा स्टील, टीसीएस आणि आयसीआयसीआय बँकेत सर्वाधिक वाढ झाली आहे. दुसरीकडे, एचडीएफसी बँक, आयटीसी आणि नेस्लेमध्ये सर्वात मोठी घसरण झाली आहे.

Share Market Today
Share Market OpeningSakal

आज BSE वर 2518 शेअर्सची खरेदी-विक्री होत आहे. यामध्ये 1780 शेअर्स तेजीत दिसत आहेत, 608 शेअर्समध्ये घसरण दिसून येत आहे आणि 130 शेअर्समध्ये कोणताही बदल दिसून येत नाही. याशिवाय 100 शेअर्स एका वर्षाच्या उच्चांकावर तर 7 शेअर्स एका वर्षाच्या नीचांकी पातळीवर आले. 71 शेअर्स अप्पर सर्किटवर पोहोचले, तर 51 शेअर्स लोअर सर्किटवर पोहोचले.

Stock Market
Anant Radhika Wedding : अनंत-राधिकाच्या पुजेला वरमाईंचा रॉयल अंदाज, परिधान केला चक्क सोन्याचा ब्लाऊज.!
Share Market Today
BSE SENSEXSakal

गुंतवणूकदारांच्या संपत्तीत 1.65 लाख कोटींची वाढ

10 जुलै 2024 रोजी, BSE वर सर्व शेअर्सचे एकूण मार्केट कॅप 4,50,05,094.58 कोटी रुपये होते. आज म्हणजेच 11 जुलै 2024 रोजी बाजार उघडताच ते 4,51,70,602.22 कोटी रुपयांवर पोहोचले. याचा अर्थ गुंतवणूकदारांच्या भांडवलात 1,65,507.64 कोटी रुपयांची वाढ झाली आहे.

चीनमधील परिस्थिती बदलणार का?

15 ते 18 जुलै दरम्यान चीनमध्ये एक महत्त्वाची सरकारी बैठक आहे. त्यात आर्थिक सुधारणांसह अनेक महत्त्वाच्या मुद्द्यांवर चर्चा होणार आहे. चीनमध्ये मोठ्या मदत पॅकेजची घोषणा होऊ शकते.

Stock Market
IIT Salary: आयआयटीच्या विद्यार्थ्यांचा पगार झाला कमी; ऑफर्समध्येही झाली घट, काय आहे कारण?

आशियाई बाजारात काय स्थिती?

आशियाई बाजारांमध्ये व्यवसाय तेजीत होताना दिसत आहे. गिफ्ट निफ्टी 59 अंकांनी किंवा 0.24 टक्क्यांच्या वाढीसह 24,421 च्या आसपास दिसत आहे. त्याच वेळी, निक्केई 0.88 टक्क्यांच्या वाढीसह व्यवहार करत आहे. स्ट्रेट टाइम्समध्येही 0.39 टक्के वाढ झाली आहे.

तैवानचा बाजार 1.06 टक्क्यांच्या वाढीसह व्यवहार करत आहे. तर हँग सेंग 1.44 टक्क्यांच्या वाढीसह व्यवहार करत आहे. तर कोस्पी 0.68 टक्क्यांनी घसरताना दिसत आहे. तर शांघाय कंपोझिट 0.75 टक्क्यांच्या वाढीसह व्यवहार करत आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com