Share Market Closing Latest Update 5 July 2024: शुक्रवारी (5 जुलै) देशांतर्गत शेअर बाजारांमध्ये आठवड्याचा शेवट घसरणीसह झाला. सेन्सेक्स 80,000 च्या खाली घसरला तर निफ्टी थोड्या वाढीसह 24,300 च्या वर बंद झाला.
आज सेन्सेक्समध्ये 53 अंकांची थोडीशी घसरण झाली आणि तो 79997 च्या पातळीवर बंद झाला, तर निफ्टीमध्ये 22 अंकांची वाढ होऊन तो 24324 च्या पातळीवर बंद झाला. आजच्या बाजारात एचडीएफसी बँकेच्या शेअर्समध्ये मोठी घसरण झाली होती आणि तो 5 टक्क्यांपर्यंत खाली आला होता. ट्रेडिंग सत्राच्या शेवटी एचडीएफसी बँकेचा शेअर 4.58 टक्क्यांनी घसरून बंद झाला.
आजचा दिवस PSU शेअर्सचा होता, आज ओएनजीसी 4.03 टक्क्यांनी वाढला. एसबीआयही आज 2.44 टक्क्यांच्या वाढीसह बंद झाला. रिलायन्स इंडस्ट्रीजचे शेअर्स 2.23 टक्क्यांच्या वाढीसह टॉप गेनर्समध्ये होते. एफएमसीजी क्षेत्रातून, ब्रिटानिया आणि एचयूएल 2-2 टक्क्यांनी वाढले.
आजच्या सत्रात एनर्जी, एफएमसीजी आणि फार्मा शेअर्समध्ये जोरदार खरेदी दिसून आली. गुंतवणूकदारांनी मिडकॅप आणि स्मॉलकॅप शेअर्समध्ये जोरदार खरेदी केली, ज्यामुळे निफ्टीचा मिडकॅप निर्देशांक प्रथमच 57000 च्या वर गेला. निफ्टीचा स्मॉलकॅप निर्देशांकानेही उच्चांक गाठला.
बीएसई सेन्सेक्समधील 30 शेअर्सपैकी 17 शेअर्स आज वाढीसह बंद झाले. यामध्येही रिलायन्स इंडस्ट्रीजच्या (RIL) शेअर्समध्ये सर्वाधिक 2.58 टक्क्यांनी वाढ झाली आहे. यानंतर स्टेट बँक ऑफ इंडिया (SBI), NTPC, हिंदुस्तान युनिलिव्हर (HUL) आणि लार्सन अँड टुब्रो (L&T) चे शेअर्स सर्वात जास्त वाढले.
सेन्सेक्समधील उर्वरित 13 शेअर्स आज घसरणीसह बंद झाले. यामध्येही एचडीएफसी बँकेचे शेअर 4.40 टक्क्यांनी घसरले. याशिवाय टायटन, महिंद्रा अँड महिंद्रा (M&M), इंडसइंड बँक आणि टाटा स्टीलचे शेअर्स लाल रंगात बंद झाले.
BSE वर कंपन्यांचे एकूण मार्केट कॅप आज 5 जुलै रोजी वाढून 449.82 लाख कोटी रुपयांवर पोहोचले आहे, जे त्याच्या आधीच्या व्यवहाराच्या दिवशी म्हणजे गुरुवारी 4 जुलै रोजी 447.30 लाख कोटी रुपये होते.
अशा प्रकारे, BSE मध्ये कंपन्यांचे मार्केट कॅप आज सुमारे 2.52 लाख कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 2.52 लाख कोटी रुपयांची वाढ झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.