Stock Market Closing: भारतीय शेअर बाजार सुस्त; निफ्टी 24,630 अंकांवर बंद, बँकिंग शेअर्सवर दबाव

Stock Market Closing Latest Update 11 December 2024: बुधवारी (11 डिसेंबर) दिवसभर देशांतर्गत शेअर बाजारात घसरणीचे वातावरण होते आणि बाजार मर्यादेतच राहिला. मात्र सलग 3 दिवस घसरणीनंतर बाजार तेजीसह बंद झाला. निफ्टी 31 अंकांनी वाढून 24,641 वर बंद झाला. सेन्सेक्स 16 अंकांनी वाढून 81,526 वर बंद झाला..निफ्टीच्या शेअर्सची स्थिती.बुधवारी निफ्टी शेअर्समध्ये ट्रेंट, बजाज फायनान्स, ब्रिटानिया, श्रीराम फायनान्स आणि हिरो मोटोकॉर्पमध्ये सर्वात जास्त वाढ झाली. तर, जेएसडब्ल्यू स्टील, अदानी पोर्ट्स, एनटीपीसी, ॲक्सिस बँक आणि एसबीआयमध्ये सर्वाधिक घसरण झाली.गेल्या 13 दिवसांपासून स्मॉलकॅप निर्देशांकात सातत्याने वाढ होत आहे. BSE मिडकॅप निर्देशांकही 0.25 टक्क्यांनी वाढला. त्यामुळे शेअर बाजारातील गुंतवणूकदारांच्या संपत्तीत आज सुमारे 77 हजार कोटींची वाढ झाली आहे. आजच्या व्यवहारादरम्यान आयटी, ऑटो, कंझ्युमर ड्युरेबल्स आणि टेलिकॉम शेअर्समध्ये सर्वाधिक खरेदी दिसून आली. दुसरीकडे, बँकिंग, युटिलिटी आणि पॉवर शेअर्समध्ये विक्रीचा दबाव होता..Anil Ambani: अनिल अंबानींचा मोठा धमाका! नवी कंपनी स्थापन करण्याची केली घोषणा; शेअर्समध्ये वाढ होण्याची शक्यता.क्षेत्रीय निर्देशांकांची स्थिती.क्षेत्रीय निर्देशांकामध्ये आज निफ्टी ऑटो 0.36 टक्के, निफ्टी फायनान्शियल सर्व्हिसेस 0.18 टक्के, निफ्टी एफएमसीजी 0.42 टक्के, निफ्टी आयटी 0.33 टक्के, निफ्टी मेटल 0.09 टक्के, निफ्टी फार्मा 0.05 टक्के, निफ्टी हेल्थकेअर इंडेक्समध्ये 0.37 टक्के, निफ्टी कंझ्युमर ड्युरेबल्स 0.57 टक्के, निफ्टी ऑइल अँड गॅस 0.02 टक्के आणि निफ्टी मिडस्मॉल हेल्थकेअर 0.14 टक्क्यांनी वधारले. याशिवाय निफ्टी प्रायव्हेट बँकेत 0.25 टक्के, निफ्टी पीएसयू बँकेत 0.89 टक्के, निफ्टी मीडियामध्ये 0.51 टक्के आणि निफ्टी बँकेत 0.35 टक्के घसरण झाली..गुंतवणूकदारांच्या संपत्तीत 77,000 कोटी रुपयांची वाढ.BSE वर लिस्टेड कंपन्यांचे एकूण मार्केट कॅप आज 11 डिसेंबर रोजी वाढून 460.32 लाख कोटी रुपये झाले, जे त्याच्या आधीच्या ट्रेडिंग दिवशी म्हणजे मंगळवार, 10 डिसेंबर रोजी 459.55 लाख कोटी रुपये होते. अशा प्रकारे, बीएसईमध्ये लिस्टेड कंपन्यांचे मार्केट कॅप आज सुमारे 77,000 कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 77,000 कोटी रुपयांची वाढ झाली आहे..Paytm CEO: Uber राइडर किती कमावतो? नोकरी करणाऱ्यांचाही विश्वास बसणार नाही, पेटीएमचे संस्थापक म्हणाले....बॉम्बे स्टॉक एक्सचेंज (BSE) वर आज वाढीसह बंद होणाऱ्या शेअर्सची संख्या जास्त होती. एक्सचेंजमध्ये आज एकूण 4,096 शेअर्सचे व्यवहार झाले. यापैकी 2,144 शेअर्स वाढीसह बंद झाले. 1,839 शेअर्समध्ये घसरण दिसून आली. तर 113 शेअर्स कोणतीही हालचाल न करता फ्लॅट बंद झाले. याशिवाय आजच्या व्यवहारादरम्यान 272 शेअर्सनी त्यांच्या 52 आठवड्यांचा उच्चांक गाठला. तर 15 शेअर्सनी त्यांच्या नवीन 52 आठवड्यांच्या नीचांकी पातळीला स्पर्श केला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.