बिझनेस सायकल फंड : एक उत्तम पर्याय

प्रशांत वाघ, ल्डनबुल्स फायनान्शिअल सर्व्हिसेस प्रा. लि.

भारतीय अर्थव्यवस्थेने मागील २५ वर्षांत अनेक व्यापारचक्रांचा सामना केला आहे. याची सुरुवात झाली, ती २००० च्या दशकाच्या सुरुवातीला डॉट-कॉमचा बुडबुडा फुटल्यानंतर आलेल्या सौम्य मंदीपासून. त्यानंतर २००८ च्या जागतिक आर्थिक संकटापर्यंत टिकलेले एक वाढीचे चक्र आले. त्यानंतर २००९ ते २०१२ दरम्यान प्रोत्साहन-आधारित पुनरुज्जीवन झाले, त्याला नंतर २०१० च्या मध्यात ‘टेपर टँट्रम’मुळे निर्माण झालेल्या अस्थिरतेने आळा बसला. जीएसटीची अंमलबजावणी, नोटबंदी, तसेच नादारी व दिवाळखोरी संहिता (आयबीसी) अशा अनेक धोरणात्मक सुधारणा २०१६-२०१७ या काळात झाल्या.