Dr. Jayant Narlikar : होय, खऱ्याअर्थाने ‘प्राध्यापक’ जयंत नारळीकर आता आपल्यात नाहीत, हे खूप अस्वस्थ करणारं आहे. माझा त्यांच्याशी खूप जुना संबंध होता. हा काळ पंधरा वर्षांहून अधिक होता. मी १९९१ ते २०११ पर्यंत आंतरविद्यापीठीय खगोलशास्त्र आणि खगोलभौतिकीशास्त्र केंद्रात (इंटर-युनिव्हर्सिटी सेंटर फॉर अ‍ॅस्ट्रोनॉमी अँड अ‍ॅस्ट्रोफिजिक्स- आयुका) काम केले. डॉ. नारळीकर हे त्याचे संस्थापक संचालक होते. ही २२ वर्षे त्यांच्यासमवेत सतत प्रोत्साहनाने भरलेली होती. डॉ. नारळीकर यांचे आपल्यातून जाणं, हे प्रत्येक विज्ञानप्रेमींसाठी एक मोठे नुकसान आहे, तसेच प्रसारमाध्यमांनी एक चांगला मित्रदेखील गमावला.
