पंतप्रधान मोदी यांनी ट्रम्प यांच्यापुढे भारत-पाकिस्तान मुद्यावर मांडलेली स्पष्ट भूमिका तसेच कॅनडाशी पूर्ववत होत असलेले संबंध या भारताच्या दृष्टीने सकारात्मक घटना.
‘ऑपरेशन सिंदूर''च्या स्थगितीनंतर पंतप्रधान मोदी यांची जी-७ शिखर संमेलनाच्या निमित्ताने अमेरिकेचे अध्यक्ष डोनाल्ड ट्रम्प यांच्याशी भेट अपेक्षित होती. पण ट्रम्प यांना ही शिखर परिषद मध्येच सोडून अमेरिकेला परतावे लागल्यामुळे या टळलेल्या प्रत्यक्ष भेटीची भरपाई दूरध्वनीवरील ३५ मिनिटांच्या संभाषणात झाली. ट्रम्प यांनी मोदी यांना कॅनडाहून परतताना अमेरिकेला येण्याचे निमंत्रण दिले होते.