अग्रलेख - मराठी माणसा ‘जागा’ दे!

प्रादेशिक पक्षाची नाळ ही त्या प्रदेशाच्या मातीशी जोडलेली असते. तिथल्या माणसाच्या अस्मिता, भाषा, इच्छा - आकांक्षांचे ते व्यासपीठ असते. त्यामुळेच प्रादेशिक पक्षांसाठी नव्याने ‘व्होट बॅंक’ शोधण्याची आवश्यकता नसते, ती तिथे असतेच. फक्त त्या बँकेतली पुंजी अक्कलखाती गमवायची की चक्रवाढव्याजाने लाभ करून घ्यायचा, याचे गणित ज्याला जमते तो त्या प्रदेशावर राज्य करतो. शिवसेनाप्रमुख बाळासाहेब ठाकरेंना हा ‘फॉर्म्युला’ जमला होता.