अग्रलेख : बटबटित वंगचित्रे

पश्चिम बंगालमधील संघर्षाला नैतिकतेची आणि राजकीय साधनशुचितेची फुटपट्टी लावण्यामध्ये फारसा अर्थ राहिलेला नाही.

राष्ट्रीय असो अथवा प्रादेशिक राजकारण; कोणताही नेता अथवा राजकीय पक्ष सत्तेचा अमरपट्टा बांधून आलेला नसतो. तरीही काही जण त्याच आविर्भावात वागत-वावरत असतात. ती धारणा आणि त्याला प्रादेशिक अस्मितेची धार असा एखाद्या राज्यात संयोग झाला की जे राजकारण साकारते, त्याचे उदाहरण म्‍हणजे पश्चिम बंगालमधील तृणमूल काँग्रेसचे राजकारण.