सुरवातीचे अभंग! (ढिंग टांग!)

सकाळ वृत्तसेवा
सोमवार, 28 जानेवारी 2019

ज्याच्यासाठी आहे। सारा अट्‌टहास। 
तोचि परिहास। सुरु जाला।। 

लागा तयारीला। बसा सावरुन। 
दारी इलेक्‍शन। आले आले।। 

कुठल्याही क्षणी। वाजेल बिगुल। 
होई डब्बागुल। आपुला हो।। 

अजुनी जरिही। न ठरे तारीख। 
भाकितांचे पीक। तरारले।। 

शहाजोग सत्ता। पाहीं बिलंदर। 
करिते "अंदर'। विरोधकां।। 

हेच अच्छे दिन। बरे सत्य जाणां। 
जनजनार्दना। सांगती ते।। 

सत्ताधारी ऐसे। शहाणे साचार। 
चतुर वेव्हार। त्यांचे अंगी।। 

म्हणती जनांसाठी। आम्ही विष्णुदास। 
बाकीचे भकास। भ्रष्ट दुष्ट।। 

ज्याच्यासाठी आहे। सारा अट्‌टहास। 
तोचि परिहास। सुरु जाला।। 

लागा तयारीला। बसा सावरुन। 
दारी इलेक्‍शन। आले आले।। 

कुठल्याही क्षणी। वाजेल बिगुल। 
होई डब्बागुल। आपुला हो।। 

अजुनी जरिही। न ठरे तारीख। 
भाकितांचे पीक। तरारले।। 

शहाजोग सत्ता। पाहीं बिलंदर। 
करिते "अंदर'। विरोधकां।। 

हेच अच्छे दिन। बरे सत्य जाणां। 
जनजनार्दना। सांगती ते।। 

सत्ताधारी ऐसे। शहाणे साचार। 
चतुर वेव्हार। त्यांचे अंगी।। 

म्हणती जनांसाठी। आम्ही विष्णुदास। 
बाकीचे भकास। भ्रष्ट दुष्ट।। 

जनांच्या धनाचे। आम्ही चौकीदार। 
नाग फणेदार। खजिन्याचे।। 

ऐकोनिया ऐसी। सत्तेचे स्तवने। 
विरोधक मने। संतप्तली।। 

जहरी नागास। ठेचा रे समूळ। 
आयतेचि बीळ। गावलें त्या।। 

गठबंधनाची। किती धावाधाव। 
चोर आणि साव। एक जाले।। 

विरोधी नेत्याला। सत्तेचेनि भासें।। 
कोरडे उमासे। येती जाती।। 

कधी एकदाचे। होते इलेक्‍शन। 
आणि सिंहासन। माझे होते।। 

ज्याला त्याला येथे। खुर्चीचे डोहळे। 
पैशाचे वोहळे। उगमाशी।। 

दोन ओंडक्‍यांची। सागरात भेट। 
कुठली बा लाट। फोडील त्यां?।। 

सुरु जाला ऐसा। उरुस हा शाही। 
त्याने लोकशाही। दृढ होते।। 

होवो पुन्हा ऐसी। राष्ट्रीय गजबज। 
कुणाचीही वज। नुरो काही।। 

सुहास्य वदनें। आले माझ्या दारी। 
त्यांना उमेदवारी। हवी आहे।। 

देशाचियासाठी। अति कष्टकरु। 
ऐसा होतकरु। दारी येई।। 

उडे तोचि बक । बुडे तो मंडूक । 
धाकधूक । नको आता।। 

गाजराचा वेणु। वाजे घुळघुळा। 
भाव वायफळां। चढा लागे।। 

चला बापयांनो। चला ताईबाई। 
दिसां व्याही। दारी आले।। 

सुरु होई आता। मतांचा उरुस। 
रोखा आता श्‍वास। नंदी म्हणे।। 

ह्यालागी ना देवा। वाट पाहिलिया। 
वर्षे पाच वाया। गेली गेली।। 

- ब्रिटिश नंदी


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Pune Edition Article Dhing Tang