Dhing Tang
sakal
स्थळ : ओव्हल हपिस, व्हाइट हौस, वॉशिंग्टन. पात्रे : पोटस ऊर्फ डोलांडतात्या आणि त्यांना ‘पोटस’ असे छोटसं कोडनेम ठेवणाऱ्या सीआयएचे प्रमुख मि. जॉन रॅटक्लिफ.
पोटस : (डोळे मिटून) किती वाजले, मि. रॅटक्लिफ?
रॅटक्लिफ : (डोळे मिटूनच) सिक्स ओ झिरो झिरो!
पोटस : (डोळे किलकिले) सहा हजार वाजले?
रॅटक्लिफ : (सुस्कारा सोडत) हो!
पोटस : दॅट्स वंडरफुल! नाइस, ब्युटिफुल!! माझं नऊ वाजता भाषण होतं! ते झालं का?
रॅटक्लिफ : (रिपोर्टिंग करत) येस, मि. प्रेसिडेण्ट, तुम्ही ठरल्याप्रमाणे सायंकाळी नऊ वाजता जगाला उद्देशून भाषण केलंत! सांगायला आनंद वाटतो की त्याचा योग्य तो परिणाम झालाय!!
