Satire on Coastal Road Politics
Sakal
कोस्टल रोड हा आपल्यासाठी बांधण्यात आलेलाच नाही. तो बाहेरच्या लोकांनी इथे यावे आणि इथल्या मराठी माणसाने इथूनच बाहेर जावे, यासाठी बांधण्यात आला आहे, हे षड्यंत्र उघड झाले आणि आमचेही डोळे लख्ख उघडले. कालपर्यंत आम्ही कोस्टल रोड अभिमानाने दाखवत होतो. मुंबापुरीच्या गळ्यातील नवा रत्नहार म्हणून दिमाखाने मिरवत होतो. पण हा दागिना नुसता बेगडाचा नव्हे, तर भाड्याचा निघाला, हे ऐकून दु:ख झाले.