कुठल्याही अरण्यकथेत होते, तशी नेपतीच्या झुडपात खसफस झाली. नेपतीचे झुडुप कसे दिसते, हे आता विचारु नका. ते जंगलात असते. उमरेड-पवनी- करांडला अभयारण्यात तर असतेच असते. तेथे साग, पळस, अर्जुन, हरडा, बेहडा, काटेसावरी अशा अगम्य नावांचे वृक्षही खूप आहेत. या अभयारण्यातील कुही वनक्षेत्रातील अशा वृक्षराजीमधूनच एक रस्ता गोठणगाव सफारी मार्ग या नावाने ओळखला जातो. त्या रस्त्यावरील ही अरण्यकथा. ऐकून तुमच्या हृदयाला पाझर फुटेल. डोळ्यात अश्रू येतील.
