हौस ऑफ बांबू
पाऊस पडून गेला असावा. झाडं अजून ओलेती होती. पाखरांची किलबिल पुन्हा सुरु झाली होती. काटेसावरीवर साळुंक्यांनी थैमान मांडलं होतं. बेहड्याच्या गर्द पानोळ्यातून कोयाळ कुकारा करत उडाली. ( खरं तर हिते गोची झालीय. आधी म्हटलं पाऊस पडून गेला, मग आता कोयाळ ओरडण्यासाठी वसंत ऋतु कुठून आला?) रुईच्या झुडपामागून भारद्वाजाचं जोडपं जमिनीवर उतरुन पुन्हा किडे खाऊ लागलं. ( या पक्ष्याचं नाव बदला. चांगलं ऋषींचं नाव ठेवलंय, किडे कसले खातो लेकाचा?) रायमुनियाच्या झुडपात शिंपी पक्ष्याच्या मादीनं गोदा केला होता. (खुलासा : गोदा म्हणजे घरटं..! पण सगळेच पक्षी गोदा करत नाहीत,
