जाणून घ्या आजचे भविष्य आणि पंचांग : 16 नोव्हेंबर

दिनमान 16 नोव्हेबर 2019 

मेष : तुमच्या क्षेत्रात तुम्हाला योग्य ती संधी लाभणार आहे. मानसिक उत्साह वाढेल. अनेक कामे हातावेगळी करण्यात यशस्वी व्हाल. 

वृषभ : मानसिक प्रसन्नता लाभेल. विरोधकावर मात कराल. आर्थिक क्षेत्रात धाडस टाळावे. 

मिथुन : तुमची पावले योग्य दिशेने पडत आहेत. आगामी काही महिन्यांचे नियोजन करण्यास दिवस चांगला आहे. बॅंकिंग, वृत्तपत्र, कायदा या क्षेत्रात विशेष यश लाभेल. 

कर्क : कामाचा ताण वाढणार आहे. दगदग वाढणार आहे. जबाबदारी वाढेल. 

सिंह : महत्त्वाची कामे उरकून घ्यावीत. ग्रहमान विशेष अनुकूल आहे. तुमचा जनसंपर्क वाढेल. 

कन्या : नोकरीत बढतीची शक्‍यता आहे. पगारवाढीची शक्‍यता आहे. कर्ज प्रकरणे मंजूर होतील. 

तूळ : एखादी भाग्यकारक घटना घडेल. तुमचा जनसंपर्क वाढेल. तुमच्या कार्यात अनेकांची साथ लाभणार आहे. 

वृश्‍चिक : यशासाठी थोडे थांबावे लागणार आहे. ग्रहमान बरेचसे प्रतिकूल आहे. आरोग्य चांगले राहणार आहे. 

धनू : महत्त्वाची कामे उरकून घ्यावीत. मित्रांचे, थोरामोठ्यांचे सहकार्य लाभेल. जबाबदारी वाढणार आहे. 

मकर : एखादी गोष्ट मनाविरुद्ध होणार आहे. मानसिक ताणतणाव राहतील. मात्र, मनोबलाच्या जोरावर अडचणीवर मात कराल. 

कुंभ : हाती घेतलेल्या कामात यश मिळेल. कामे मार्गी लागतील. सार्वजनिक कामात प्रतिष्ठा लाभेल. 

मीन : अडचणी जाणवणार आहेत. यशासाठी थोडे थांबावे लागणार आहे. सध्या कोणाच्याही सहकार्याची, मदतीची अपेक्षा करू नका. 

पंचांग 16 नोव्हेंबर 2019 
शनिवार : कार्तिक कृष्ण 4, चंद्रनक्षत्र आर्द्रा, चंद्रराशी मिथुन, सूर्योदय 6.44, सूर्यास्त 5.56, चंद्रोदय रात्री 9.13, चंद्रास्त सकाळी 10.01, महालय समाप्ती, भारतीय सौर कार्तिक 25, शके 1941.