जाणून घ्या आजचे भविष्य आणि पंचांग : 25 जून

मेष : काहींची आध्यात्मिक क्षेत्रात प्रगती होईल. दानधर्माकरिता खर्च होईल. एखादी गुप्त व महत्त्वाची बातमी समजेल. उधारी, उसनवारी वसूल होईल. आरोग्य चांगले राहणार आहे.

वृषभ : कौटुंबिक सौख्य लाभेल. अनेक कामे मार्गी लागल्याचे समाधान लाभेल. तुमचे निर्णय व अंदाज अचूक ठरतील. तुमच्या आशाआकांक्षा सफल होणार आहेत.

मिथुन : व्यवसायात मोठी उलाढाल होवू शकेल. व्यवसायाकडे अधिक लक्ष द्याल. व्यवसायातील निर्णय योग्य ठरणार आहेत. प्रॉपर्टीच्या क्षेत्रातील व्यक्‍तींना विशेष आर्थिक लाभ होतील.

कर्क : काहींच्या मानसिक व वैचारिक जीवनात अनुकूल परिवर्तनाची शक्‍यता आहे. सर्व क्षेत्रात गतिमानतेने प्रगती होईल. विद्यार्थ्यांना सुयश मिळेल. नवी दिशा सापडेल, नवा मार्ग दिसेल.

सिंह : दानधर्माकरिता खर्च कराल. मित्रांच्या आश्‍वासनावर अवलंबून राहू नका. प्रॉपर्टीचे व्यवहार शक्‍यतो पुढे ढकलावेत. नातेवाईकांबरोबर मतभेदाची शक्‍यता आहे.

कन्या : अपेक्षेपेक्षा अधिक यश मिळणार आहे. व्यवसायात व आर्थिक क्षेत्रात धाडस करावयास हरकत नाही. अनेकांचे सहकार्य लाभणार आहे. महत्त्वाची कामे उरकून घ्यावीत.

तुळ : सार्वजनिक कामात प्रतिष्ठा लाभेल. नोकरीमध्ये एखादी चांगली जबाबदारी सोपवली जाईल. आर्थिक लाभाचे प्रमाण वाढेल. शासकीय कामे मार्गी लागतील. आरोग्य चांगले राहणार आहे.

वृश्‍चिक : मुलामुलींच्या संदर्भात एखादी चांगली घटना घडेल. मानसिक व शारीरिक उत्साह वाढणार आहे. कौटुंबिक जीवनात अत्यंत आनंदाचे व सौख्याचे वातावरण राहणार आहे.

धनु : अकारण होणाऱ्या खर्चाला आळा बसेल. वैचारिक प्रगती होईल. कर्मचारी वर्गाचे सहकार्य लाभेल. वरिष्ठांबरोबर मतभेदाची शक्‍यता आहे. वाहने काळजीपूर्वक चालवावीत.

मकर : जीवनाला एक चांगले वळण लाभेल. कोणत्या दिशेने जायचे हे समजेल. अनेकांशी सुसंवाद साधाल. सामाजिक, सार्वजनिक कार्यात सहभागी होण्याची संधी मिळेल.

कुंभ : आर्थिक क्षेत्रात धाडस करावयास हरकत नाही. महत्त्वाची आर्थिक कामे उरकून घ्यावीत. काहींचे राहत्या जागेचे व व्यवसायाच्या जागेचे प्रश्‍न सुटतील. विरोधकावर मात कराल.

मीन : कौटुंबिक जीवनात एक उत्साहाचे, आनंदाचे वातावरण राहील. महत्त्वाचे निर्णय आज घेवून टाका. आजचा दिवस हा साफल्याचा आहे, यशाचा आहे. कटू बोलणे टाळावे.

पंचांग :

मंगळवार : ज्येष्ठ कृष्ण 8, चंद्रनक्षत्र उत्तरा भाद्रपदा, चंद्रराशी मीन, सूर्योदय 6.01, सूर्यास्त 7.15, चंद्रोदय रात्री 12.24, चंद्रास्त दुपारी 12.45, कालाष्टमी, भारतीय सौर आषाढ 4, शके 1941.