Surur Panchgani Road: सुरूर-पाचगणी मार्ग एप्रिलअखेर पूर्ण करा: मंत्री शिवेंद्रसिंहराजे भोसले, मकरंद पाटील यांच्याकडून ठेकेदाराची झाडाझडती!

महाबळेश्वर : सुरूर-पोलादपूर मार्गावरील रखडलेल्या रस्ते कामाला गती देण्यासाठी मंत्रालयात सार्वजनिक बांधकाममंत्री शिवेंद्रसिंहराजे भोसले आणि मदत व पुनर्वसनमंत्री मकरंद पाटील यांच्या उपस्थितीत संयुक्त बैठक पार पडली..Pune News: रुग्णालयांच्या अवाजवी बिलांना आता बसणार चाप; आरोग्यमंत्र्यांकडून ‘स्टँडर्ड ट्रीटमेंट प्रोटोकॉल’ची महत्त्वपूर्ण घोषणा...या बैठकीत रस्त्याचा ठेका घेतलेल्या ठेकेदाराची मंत्र्यांनी झाडाझडती घेत काम तातडीने पूर्ण करण्याच्या सूचना दिल्या. त्यानंतर ठेकेदाराने बैठकीत महाबळेश्वर ते पाचगणी दरम्यानचा रस्ता मार्चअखेर पॅचवर्क करून रहदारीयोग्य करण्याचे, तर सुरूर ते पाचगणी हा रस्ता एप्रिलअखेर पूर्ण करण्याचे आश्वासन देण्यात आले..पोलादपूर ते सुरूर दरम्यानचा सुमारे ८३ किलोमीटरचा रस्ता काँक्रिटीकरणासाठी सार्वजनिक बांधकाम विभागाकडून महाराष्ट्र राज्य रस्ते विकास महामंडळाकडे हस्तांतरित करण्यात आला आहे. या कामाची सुरुवात डिसेंबर २०२४ मध्ये झाली. पहिल्या टप्प्यात सुरूर ते वाई मार्गाचे काम सुरू करण्यात आले; मात्र अद्याप हे काम पूर्ण झालेले नाही. उलट अनेक ठिकाणी रस्ता खोदून ठेवण्यात आल्याने मार्गाची दुरवस्था झाली असून, खड्डे आणि धुळीमुळे वाहनचालक व प्रवासी त्रस्त झाले आहेत. .अनेक वेळा पाठपुरावा करूनही ठेकेदाराने कामाला गती दिली नसल्याने नागरिकांमध्ये तीव्र संताप व्यक्त झाला होता. महाबळेश्वर येथे आंदोलनाची ठिणगी पडताच कुंभरोशी ते सुरूरपर्यंत या आंदोलनाला पाठिंबा मिळाला. महाबळेश्वर, पाचगणी व वाई येथील नागरिकांनी बंद पाळत रास्ता रोको आंदोलन केले. या आंदोलनाची दखल घेत शासनाने तातडीने बैठक बोलावली..बैठकीला बांधकाम विभागाचे सचिव संजय दसपुते, महाबळेश्वरचे नगराध्यक्ष सुनील शिंदे, पाचगणीचे नगराध्यक्ष दिलीप कांबळे, महाराष्ट्र राज्य पायाभूत सुविधा विकास महामंडळाचे मुख्य अभियंता रणजित हांडे, कार्यकारी अभियंता संतोष भंपलवार, सार्वजनिक बांधकाम विभागाचे अधिकारी, तसेच वाई-सुरूर परिसरातील आंदोलनकर्ते उपस्थित होते. .Karad Gas Shortage: गॅसअभावी हॉटेल्स बंद ठेवण्याची वेळ; कऱ्हाडला व्यावसायिकांपुढे पेच, वाणिज्य सिलिंडरचा पुरवठाच नाही! .बैठकीत महाबळेश्वरचे नगराध्यक्ष सुनील शिंदे यांनी नागरिकांची पसरणी घाटाचे रुंदीकरण पसरणी घाटाचे रुंदीकरण करण्याची गरज असून, वन विभागाच्या हद्दीतील सुमारे एक किलोमीटरचा भाग वगळता इतर ठिकाणी दोन बस सहज जाऊ शकतील इतका घाटरस्ता रुंद करावा, अशी सूचना मंत्री मकरंद पाटील यांनी केली, तसेच वाई ते अंजुमन हायस्कूलपर्यंतचा रस्ता ३० एप्रिलपर्यंत पूर्ण करावा, तर अंजुमन ते महाबळेश्वर दरम्यानचे सर्व लहान-मोठे खड्डे बुजवून मार्चअखेर डांबरीकरण पूर्ण करावे, असेही आदेश देण्यात आले. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories