मला शेवटच्या क्षणापर्यंत राष्ट्रवादी कॉंग्रेसच्या नेत्यांनी समजावण्याचा प्रयत्न केला; पण..
सातारा : मला शेवटच्या क्षणापर्यंत राष्ट्रवादी कॉंग्रेसच्या नेत्यांनी समजावण्याचा प्रयत्न केला. मात्र, मतदार संघातील जनतेनं मोठा उठाव केला. नाईलाजानं माझी लढाईची इच्छा नसतानाही मला मतदारांच्या आग्रहाखातर निवडणूक लढवावी लागली. त्यात माझा झालेला विजय हा जावळीतील जनतेचा विजय आहे, अशी विजयानंतर ज्ञानदेव रांजणे (Dnyandev Ranjane) यांनी प्रतिक्रिया दिली.
सातारा जिल्हा बॅंकेच्या निवडणुकीत रांजणे हे आज विजयी झाले. त्यानंतर ते पत्रकारांशी बोलत होते. रांजणे म्हणाले, सर्वसमान्य जनतेचा आवाज माझ्या विजयाच्या रुपानं जिल्हा बॅंकेत पोहचला आहे. हा विजय जावली तालुक्यातील सर्व जनतेचा आहे. सर्वांनी मला साथ दिली. त्यामुळं माझा विजय सुकर झाला.
शशिकांत शिंदेंच्या उमेदवारीमुळं तुमच्यावर नेत्यांनी प्रेशर आणले का? या प्रश्नावर रांजणे म्हणाले, विधान परिषदेचे सभापती रामराजे नाईक-निंबाळकर, सहकारमंत्री बाळसाहेब पाटील, आमचे नेते आमदार शिवेंद्रसिंहराजे भोसले, आमदार मकरंद पाटील यांनी मला शेवटच्या क्षणापर्यंत समजावण्याचा प्रयत्न केला. मात्र, मतदार संघातील जनतेनं मोठा उठाव केला. नाईलाजानं माझी लढाईची इच्छा नसतानाही मला मतदारांच्या आग्रहाखातर निवडणूक लढवावी लागली. हा जावळीतील जनतेचा विजय आहे, असं त्यांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
