पराभवानं खचून न जाता पुन्हा नव्या उमेदीनं कामाला लागा; उंडाळकरांचं कार्यकर्त्यांना आवाहन | Sakal
sakal

बोलून बातमी शोधा

Udaysingh Undalkar

'कार्यकर्त्यांनी पराभवाने खचून न जाता पुन्हा नव्या उमेदीने कामाला लागावे.'

'पराभवानं खचून न जाता पुन्हा नव्या उमेदीनं कामाला लागा'

कऱ्हाड (सातारा) : कार्यकर्त्यांनी पराभवाने खचून न जाता पुन्हा नव्या उमेदीने कामाला लागावे, अशी प्रतिक्रीया अॅड. उदयसिंह पाटील-उंडाळकर (Udaysingh Undalkar) यांनी पराभवानंतर व्यक्त केली. उंडाळकर म्हणाले, सातारा जिल्हा मध्यवर्ती सहकारी बँकेच्या (Satara District Bank Election) संचालक मंडळ पंचवार्षिक निवडणुकीत कऱ्हाड सोसायटी मतदार संघातून निवडणूक लढवली. त्यात कऱ्हाड तालुक्यातील सर्व मतदार व कार्यकर्त्यांनी अहोरात्र कष्ट घेऊन पाठिंबा दिला. निवडणूक म्हटलं की जय-पराजय ठरलेला असतो.

अत्यंत अटीतटीच्या व चुरशीच्या लढतीत आपण मतदारांनी व कार्यकर्त्यांनी दिलेली साथ अत्यंत मोलाची आहे. याबद्दल कऱ्हाड सोसायटी गटातील सर्व मतदारांचे व अहोरात्र कष्ट घेणाऱ्या सर्व कार्यकर्त्यांचे मनापासून आभार मानतो. पराभवाने खचून जावू नये, असं आवाहनही त्यांनी केलं.

हेही वाचा: राष्ट्रवादीच्या नेत्याकडून गृहराज्यमंत्री शंभूराज देसाई यांचा पराभव

राज्याचं लक्ष लागलेल्या सातारा जिल्हा बॅंकेच्या निवडणुकीतील प्रतिष्ठेच्या लढतीत सहकारमंत्री बाळासाहेब पाटील (Balasaheb Patil) यांनी विजय मिळवून माजी सहकारमंत्री (कै) विलासराव पाटील-उंडाळकर यांचे पुत्र अॅड. उदयसिंह पाटील-उंडाळकर यांचा 8 मतांनी पराभव केला. एका-एका मताची बेरीज करत राष्ट्रवादी कॉंग्रेसच्या सहकारमंत्र्यांनी भाजपच्या भोसले गटाला जवळ करुन शिष्टाईतून लढवलेल्या या निवडणुकीत परफेक्ट नियोजन करुन उंडाळकरांचा करेक्ट कार्यक्रम केला.

हेही वाचा: भाजपच्या साथीनं NCP सहकारमंत्र्यांकडून 'काँग्रेस'चा करेक्ट कार्यक्रम

loading image
go to top