Dhangar Society March : पुणे-बंगलोर महामार्गावर धनगर समाजाचा मोर्चा; आंदोलक- पोलिसांत झटापट

खंडाळा - धनगर समाजाला अनुसुचित जमाती प्रर्वगात आरक्षण मिळावे या मागणीसाठी आज पुणे-बंगलोर महामार्ग दीड तास अडविण्यात आला.

मात्र, पुणे बाजुकडे असणाऱ्या दुचाकी पुढे जाण्याची संधी मिळताच दुचाकीस्वारांनी पळ काढला. यावेळी आंदोलकांनी रस्त्यावर धिंगाणा घालत गाड्या अडविल्या. यानंतर पोलीस उपविभागीय अधिकारी राहुल धस यांनी लक्ष घालत यशस्वी मध्यस्यी केली.

यानंतर सातारा बाजुकडे ही वाहतूक सुरू होणार म्हणुन, काही आंदोलक रस्त्यावरच झोपले. मात्र पोलिसांनी समजूत काढत या आंदोलकांनाही बाजुला काढण्यात आले.

यावेळी आंदोलक यांनी पोलिसांना जाब विचारला. व आंदोलक ऐकण्याच्या मनस्थितीत नव्हते. शेवटी पोलिसांनी यशस्वी मध्यस्ती करत महामार्ग खुला केला. यादरम्यान सातारा बाजुकडील वाहतूक ही सुरळीत झाली.