Major Mishap Averted After Car Bursts Into Flames in Busy Phaltan Locality
sakal
-मनोज पवार
दुधेबावी: फलटण शहरातील वर्दळीच्या ठिकाणी शंकर मार्केट ब्राह्मण गल्ली येथे रविवारी रात्री आठच्या सुमारास चारचाकी मोटारीला आग लागली. या परिसरातील १२ वर्षीय ईशा पाटणे व १४ वर्षीय सार्थक हिरणवाळे या दोघांनी कार्यतत्परता दाखवत अग्निशामक दलाच्या १०१ नंबरला मोबाईलवरून माहिती दिली. यामुळे वेळीच आग विझविण्यात अग्निशामक दलाच्या अधिकारी व कर्मचाऱ्यांना यश आले. सार्थकने आरडाओरडा करत मोटारीतील चार जणांना बाहेर काढल्याने मोठा अनर्थ टळला.