डंपर-दुचाकीच्या धडकेत पिता-पुत्राचा मृत्यू; दोघांचेही शीर धडावेगळे

आष्टा - बेदरकार भरधाव डंपरने (Dumper) मोटारसायकलला (Motorcycle) दिलेल्या धडकेत (Accident) कऱ्हाड तालुक्यातील हजारमाची येथील पिता-पुत्र (Father-Son) जागीच ठार (Death) झाले. त्यात पत्नी (Wife) गंभीर जखमी (Injured) आहे. भयानक अपघातात पिता-पुत्रांची डोकी धडावेगळी झाली होती. अंकुश शिवाजी साळुंखे (वय ४०), आदित्य अंकुश साळुंखे (१४) अशी पिता-पुत्रांची नावे आहेत. सोनाली अंकुश साळुंखे (३४) असे जखमी आईचे नाव आहे. आष्टा ते इस्लामपूर रस्त्यावर आज सकाळी ९ वाजता आहीरवाडी फाट्याच्या वळणावर अपघात झाला.

घटनास्थळावरून मिळालेली माहिती अशी, हजामाचीचे अंकुश, त्यांची पत्नी सोनाली, मुलगा आदित्य यांना घेऊन दुचाकीवरून (एमएच 50- आर1676 ) आष्ट्याकडून इस्लामपूरच्या दिशेने निघाले होते. आहीरवाडी फाटा वळणावर आले असता इस्लामपूरकडून आष्ट्याकडे निघालेल्या भरधाव डंपरने साइड बदलून दुचाकीला जोरदार धडक दिली. धडक इतकी जोरदार होती, की धडकेत अंकुश व आदित्य दोघे जागीच ठार झाले. अंकुश यांची पत्नी सोनाली गंभीर जखमी झाल्या.

डंपर चालकाने बेदरकापणे डंपर न थांबवता आष्ट्याच्या दिशेने पळविला. घटनास्थळी गर्दी झाली होती. माहिती मिळताच पोलिसांनी घटनास्थळी धाव घेतली. दोघांचेही शीर धडावेगळे झाल्याने तेथील चित्र भयावह होते. रक्ताच्या थारोळ्यात दुचाकी व मृतदेह होते. दोघांच्याही डोक्यावरून चाक गेल्याने डोक्याचा चेंदामेंदा झाला होता. रुग्णवाहिका चालक साजन अवघडे, ओंकार डांगे यांनी मृतदेह उत्तरीय तपासणीसाठी हलवले. घटनास्थळ रक्तरंजित झाले होते. पोलिस निरीक्षक अजित सिद्ध, सहायक पोलिस निरीक्षक मनमित राऊत यांनी घटनास्थळी भेट देवून मदत केली.