Karad Politics: कऱ्हाड, मलकापूरला एकहाती सत्ता द्या : मुख्यमंत्री देवेंद्र फडणवीस; आम्ही आधुनिक अभिमन्यू , नेमकं काय म्हणाले?

कऱ्हाड: आमदार डॉ. अतुल भोसले क्षमतावान नेतृत्‍व आहेत. त्यांना भविष्‍यही चांगले आहे. त्यामुळे अशा नेतृत्वाला रोखण्यासाठी विरोधकांनी पालिका निवडणुकीत एकत्र येत चक्रव्यूह आखले आहे; पण आम्ही आधुनिक अभिमन्यू आहोत. तो चक्रव्यूह भेदून भाजपचा झेंडा फडकाविल्याशिवाय राहणार नाही. कऱ्हाड आणि मलकापुरात नगराध्यक्षांसह प्रभागातही एकहाती सत्ता द्या, दोन्ही शहरे रोल मॉडेल बनवू, अशी ग्वाही मुख्यमंत्री देवेंद्र फडणवीस यांनी दिली.