Khambatki Ghat : खंबाटकी घाटात सहाव्या वळणावर दत्त मंदिराजवळ मोठी वाहतूक कोंडी; मार्गावर वाहनांच्या मोठ्या रांगा

खंडाळा : खंबाटकी घाटाच्या (Khambatki Ghat) सहाव्या वळणावर दत्त मंदिराजवळ एक शिवशाही बस (Shivshahi Bus) व ट्रक बंद पडल्याने घाटात वाहनांच्या मोठ्या रांगा लागल्या आहेत. शिवशाही व ट्रक एकाच वेळी बंद झाल्याने येथे वाहनांना पुढे सरकायला रस्ताच नाही.

परिणामी, घाटातील वाहतूक ही बोगद्या मार्गे वळवण्यात आली आहे. सध्या या मार्गावर वाहनांची प्रचंड कोंडी असून सातारा बाजूला जाण्यासाठी वाहनांच्या रांगा पाहिला मिळत आहेत.

तर, महामार्ग पोलीस या ठिकाणी वाहतूक सुरळीत करण्याचा प्रयत्न करत आहेत. एवढ्या आठ दिवसांत शिवशाही बंद पडण्याची ही तिसरी वेळ आहे. परिणामी, वारंवार घाट जाम होत आहे. आज रविवार असल्याने वाहनांची संख्या ही जास्त आहे.