Pune Kolhapur Highway Karad Flyover
esakal
Karad Infrastructure Project : (हेमंत पवार) : पुणे-बंगळुरु राष्ट्रीय महामार्गाच्या सहापदरीकरण प्रकल्पाअंतर्गत कऱ्हाड येथील कोल्हापूर नाका परिसरात उभारण्यात येत असलेला बहुप्रतीक्षित उड्डाणपूल अखेर पूर्णत्वाच्या मार्गावर आला आहे. गेल्या दोन वर्षांपासून सुरू असलेल्या या प्रकल्पामुळे वाहनधारकांना मोठ्या प्रमाणावर वाहतूक कोंडीचा सामना करावा लागत होता. मात्र आता हा उड्डाणपूल येत्या २० जूनपर्यंत वाहतुकीसाठी खुला करण्यात येणार असल्याने महामार्गावरील प्रवाशांना मोठा दिलासा मिळणार आहे.
