Karad Initiative Aims to End Criminal Glamour Through Public Awareness Flex Boards
sakal
कऱ्हाड: शहराला लागलेला गुंडगिरीचा डाग पुसून काढण्यासाठी आणि शहरातील गुंडगिरी मोडण्यासाठी पोलिस उपअधीक्षक राजश्री पाटील, शहर पोलिस निरीक्षक दत्तात्रय दराडे यांनी पाऊले उचलली आहेत. त्यातंर्गत तडीपार गुंड, समाजाला सातत्याने त्रासदायक ठरणारे, अनेक गुन्हे दाखल असलेले, पोलिस रेकॉर्डवरील गुंडांची सर्वसामान्य नागरिकांना माहिती व्हावी, संबंधितांनी गुंडगिरीपासून परावृत्त होऊन तरुणांनी याकडे वळू नये, यासाठी गुंडांच्या छायाचित्रासह फ्लेक्स तयार करून शहरातील मोक्याच्या ठिकाणी व संबंधित गुंड वास्तव्यास असलेल्या परिसरात लावले जाणार आहेत.
