Mahabaleshwar Rain Record : महाबळेश्वरमध्ये पावसाचा हाहाकार, 24 तासांत 513 मिमी पाऊस; मोडला तब्बल 123 वर्षांपूर्वीचा विक्रम, प्रशासनाकडून हायअलर्ट जारी

महाबळेश्वर : गेल्या पाच- सहा दिवसांपासून सुरू असलेल्या मुसळधार पावसाने यंदा महाबळेश्‍वरातील सर्व जुने विक्रम मोडीत काढले आहेत. रविवारी सकाळी आठ ते सोमवारी सकाळी आठ या अवघ्या २४ तासांत तब्बल ५१३ मिलिमीटर (२० इंच) पावसाची नोंद (Mahabaleshwar heavy rainfall latest news) झाली. हा यंदाच्या हंगामातील सर्वाधिक पाऊस ठरला आहे. १ जूनपासून आजअखेर महाबळेश्वरमध्ये १७१७.४० मिलिमीटर (६७ इंच) पावसाची नोंद झाली असल्याची माहिती हवामान विभागाने दिली.