मसूर : कोणेगाव येथील मानसिंह चव्हाण या गिर्यारोहकाने हिमाचल प्रदेशातील लहौल जिल्ह्यातील सहा हजार १११ मीटर उंच माउंट युनम या हिमशिखराची यशस्वीरीत्या चढाई केली. देशभरातून ३० अनुभवी गिर्यारोहक या मोहिमेत सहभागी झाले होते. त्यापैकी सात जण शिखर माथ्यावर पोहोचले. त्यात कोणेगावच्या मानसिंह चव्हाणांसह पुण्यातील सहकारी कृष्णा मरगळे, अनंता कोकरे या मराठमोळ्यांचा समावेश आहे. या यशाबद्दल त्यांचे कौतुक होत आहे. गेल्या अनेक महिन्यांपासून हे गिर्यारोहक मोहिमेची तयारी करत होते.