A bull roaming freely in Mhaswad caused property damage, prompting administration to take immediate action.
Sakal
म्हसवड : शहरासह परिसरात शनिवारी झालेल्या संततधार पावसाने गटारे तुंबून येथील शिंगणापूर चौक, बसस्थानक परिसरातील रस्त्याकडेची दुकाने पाण्यात बुडून अनेक दुकानदारांचे लाखो रुपयांचे नुकसान झाले. त्यानंतर आज रविवारी खडबडून जागे झालेले प्रशासन मोठ्या अधिकाऱ्यांच्या समवेत यंत्रणेसह घटनास्थळी पोहोचले, ते तेथील अतिक्रमणे हटवण्यासाठी. ही मोहीमही राबवली गेली; पण या कारवाईने आज दिवसभर अतिक्रमणे हटाव मोहीम म्हणजे ‘बैल गेला अन् झोपा केला’ अशी प्रतिक्रिया येथील नागरिकांत उमटली.