खाकीच्या डाेळ्यातून ओघळले अश्रु; आईसह मुलगा जळून खाक

ढेबेवाडी (जि. सातारा) : पाटण तालुक्यातील मोरेवाडी- कुठरे येथील लोकरी वस्तीत मायलेकाचा जळून मृत्यू झाल्याची  धक्कादायक घटना आज (साेमवार) सकाळी उघडकीस आला. यामुळे परिसरात खळबळ उडाली. दोघांचाही मृतदेह जळून खाक झाले होते. या दाेघांच्या मृत्यूचे कारण समजू शकले नाही. ही हत्या की आत्महत्या याचा पोलिस तपास घेत आहेत.

कुठऱ्याच्या मोरेवाडीतील लोकरी वस्तीची पहाट आज मायलेकांच्या मृत्यूच्या विदारक प्रसंगाने उजाडली. सचिन ज्ञानदेव लोकरे (वय 38) , कमल ज्ञानदेव लोकरे (62) अशी मृतांची नावे आहेत. सचिन व त्याच्या आईचा जळून दुर्देवी अंत झाला. घराला आतून कडी लावली होती. पुठ्ठे मोठ्या प्रमाणात पेटनलेही होते. दोघेही ज्या ठिकाणी झोपले होते. तेथेच जळून खाक झाले होते. सचिन याचा दोन दिवसापूर्वी कोरोनाचा स्वॅब घेतला होता. रात्री त्याचा अहवाल निगेटिव्ह आला आहे. स्वॅब घेतल्यापासून सचिन डिस्टर्ब होता, असे गावकऱ्यांनी पाेलिसांना सांगितले. 

सचिनचे वडील कऱ्हाडच्या कृष्णा हाॅस्पीटलमध्ये उपचारास दाखल आहेत. त्यांच्या पायाची शस्त्रक्रीयी झाली आहे. त्यामुळे त्याचाही ताण त्याच्यावर होता. रविवारी सायंकाळी सचिनचा भाऊ कृष्णा हाॅस्पीटलला वडिलांकडे गेला. त्यानंतर रात्री उशिरा मायलेकां सोबत दुर्घटना घडली आहे. पोलिस घटनास्थळी दाखल झाले आहेत. त्याचा तपास सुरू आहे.

सात वर्षाच्या तुनजाने वडिलांना वाचवले

शरद पवारांशी पाऊण तासाच्या चर्चेनंतर उदयसिंह पडले बाहेर 

भाजपच्या ताब्यातील साखर कारखान्यासाठी गोळाबेरीज सुरु; कॉंग्रेस-राष्ट्रवादीला सेनेच्या साथीची अपेक्षा

FasTag स्कॅन हाेत नाहीये, थांबा! टाेलचे पैसे देऊ नका; हे वाचा

प्रांताधिकाऱ्यांचा आदेश; दुकानांच्या वेळेत महत्वपुर्ण बदल, आठवडा बाजारास बंदी

Edited By : Siddharth Latkar