सातारा : उरमोडी प्रकल्पाच्या विस्तारित कामांसाठी ३०४२.६७ कोटी रुपयांच्या सुधारित अंदाजपत्रकास केंद्रीय जल आयोगाच्या प्रकल्प मूल्यांकन संघटनेच्या बैठकीत मंजुरी मिळाली आहे. या निर्णयामुळे प्रकल्पाच्या उर्वरित कामांना गती येऊन डिसेंबर २०२७ पर्यंत ही सर्व कामे पूर्ण होतील, तसेच दुष्काळी माण, खटाव आणि सातारा तालुक्यातील सुमारे २७ हजार ७५० हेक्टर क्षेत्र सिंचनाखाली येऊन येथील शेतकरी सुखावणार आहे, अशी माहिती खासदार उदयनराजे भोसले यांनी दिली आहे.