उमेशच्या गळ्यावर कुऱ्हाडीने वार करून त्याचा खून केलाय.
शिरवळ (सातारा) : भादे (ता. खंडाळा) येथे दगडी वस्ती येथे उसने पैसे परत मागितल्याच्या कारणावरून तिघांनी धरून एकाने कुऱ्हाडीने वार करून उमेश पुरंदर काळे (वय ३३) यांचा काल सायंकाळी खून केला.
याबाबत पोलिसांनी (Khandala Police) दिलेली माहिती अशी, की भादे गावातील दगडी वस्तीवर मैनेश मुकेश भोसले, नीलेश मुकेश भोसले, महेश मुकेश भोसले, राजनंदिनी महेश भोसले यांनी उसने घेतलेले पैसे परत मागितल्याच्या कारणावरून चिडून जाऊन नीलेश भोसले, महेश भोसले, राजनंदिनी भोसले यांनी उमेश काळे यास धरून ठेऊन मैनेश भोसले याने उमेश काळे याचे गळ्यावर कुऱ्हाडीने वार करून त्यांचा खून केला.
ही घटना काल सायंकाळी साडेपाच वाजता घडली. पोलिस निरीक्षक नवनाथ मदने व सहायक पोलिस निरीक्षक राजकुमार भुजबळ यांनी घटनास्थळी तत्काळ भेट दिली. चारही संशयितांनी घटना स्थळावरून पोबारा केला. या घटनेची फिर्याद रजनी उमेश काळे (रा. भादे) यांनी दिली आहे. या घटनेचा पुढील तपास पोलिस निरीक्षक नवनाथ मदने करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
