Pratapgad Fort: प्रतापगड संवर्धनात मूळ ढाच्यात बदल नको: खासदार उदयनराजे भोसले; प्राधिकरणाची बैठक, संवर्धनासाठी १२७ कोटी मंजूर

सातारा : किल्ले प्रतापगड हा छत्रपती शिवाजी महाराजांच्या शौर्याचे, दूरदृष्टीचे गौरवशाली प्रतीक आहे. हा किल्ला जतन व संवर्धनासाठी १२७ कोटींचा निधी मंजूर आहे. याअंतर्गत विविध कामे होत असताना किल्ल्याच्या मूळ ढाच्यात कोणत्याही प्रकारचा बदल होणार नाही, याची दक्षता घेऊनच किल्ल्याचे संवर्धन करावे, अशी सूचना प्राधिकरणाचे अध्यक्ष तथा खासदार उदयनराजे भोसले यांनी केली.