सातारा: मराठा समाजाचा ओबीसीमध्ये समावेश करण्यास विरोध असून, हा समाज खुल्या जागा आणि बोगस कुणबी नोंदीद्वारे आरक्षणाचा लाभ घेत आहे. हे बोगस दाखले रोखण्यासाठी जातीचे दाखले आधारकार्डला लिंक असावेत, तसेच शासनाने ओबीसींच्या सरकारी नोकऱ्यांतील अनुशेष तातडीने भरावा, भूमिहीनांना पडीक जमिनींचे वाटप करावे आदी मागण्यांसाठी सातारा जिल्हा ओबीसी संघटनेने जिल्हाधिकारी कार्यालयासमोर धरणे आंदोलन करत शासनाच्या निर्णयाचा निषेध नोंदवला.