पिस्तूल बाळगल्याप्रकरणी तीन युवकांना अटक; फलटण पोलिसांची कामगिरी | Sakal
sakal

बोलून बातमी शोधा

phaltan

तीनही संशयितांना अटक करून न्यायालयात हजर केले असता त्यांना 24 मेपर्यंत पाच दिवस पोलिस कोठडी सुनावण्यात आली. या प्रकरणी सहायक पोलिस निरीक्षक एन. आर. गायकवाड तपास करीत आहेत.

फलटण : पिस्तूल बाळगल्याप्रकरणी तीन युवकांना अटक

फलटण शहर (जि. सातारा) : विनापरवाना पिस्तूल (pistol) बाळगल्याप्रकरणी फलटण शहर पोलिसांनी (phaltan city police) तीन जणांना अटक (arrests) केली आहे. त्यांना न्यायालयात हजर केले असता पाच दिवसांची पोलिस कोठडी सुनावण्यात आली आहे. phaltan-police-arrested-three-youths-carrying-pistol-satara-crime-news

शहर पोलिस ठाण्याचे पोलिस निरीक्षक भारत किंद्रे यांना माहिती मिळाली, की राजू राम बोके (वय 34 रा. मंगळवार पेठ, फलटण) हा त्याच्या दोन साथीदारांसह फलटण येथे मित्राला भेटण्यास येणार आहे. त्याच्याजवळ विनापरवाना पिस्तूलही आहे. यावरून पोलिसांनी शहरातील स्वामी विवेकानंदनगर येथे बुधवारी मध्यरात्री सापळा लावला. तेव्हा मध्यरात्री पावणेएकच्या सुमारास राजू राम बोके, दिलीप तुकाराम खुडे (वय 32 रा. लक्ष्मीनगर, फलटण), मनोज राजेंद्र हिप्परकर (वय 27 रा. प्रेमलाताई हायस्कूल जवळ मलठण) हे एका दुचाकीवरून येताना दिसले.

हेही वाचा: Good News : साताऱ्यासह सिंधुदुर्ग, अलिबागमधील वैद्यकीय महाविद्यालयांना 8 कोटी मंजूर

पोलिसांनी त्यांना पकडून त्यांची झडती घेतली असता राजू बोके याने त्याच्या कमरेला पिस्तूल खोचून ठेवलेले दिसले. पिस्तूल ताब्यात घेऊन त्यामधील मॅगझिन काढून पाहिले असता त्यात एक जिवंत काडतूस मिळून आले. पिस्तुलाबाबत बोके याच्याकडे चौकशी केली असता त्याच्याकडे कुठलाही परवाना नसल्याचे त्याने सांगितले. त्या वेळी पोलिसांनी बोकेसह अन्य दोघांनाही अटक केली. त्यांच्याकडे असलेली दुचाकी व तीन मोबाईल जप्त केले. त्यांच्याविरुद्ध फलटण शहर पोलिस ठाण्यात गुन्हा नोंद झाला आहे.

तीनही संशयितांना अटक करून न्यायालयात हजर केले असता त्यांना 24 मेपर्यंत पाच दिवस पोलिस कोठडी सुनावण्यात आली. या प्रकरणी सहायक पोलिस निरीक्षक एन. आर. गायकवाड तपास करीत आहेत.

हेही वाचा: Good News : मोरणा-गुरेघर धरणात 52 टक्के पाणीसाठा; शेतकऱ्यांना मोठा दिलासा

काही सुखद बातम्या वाचा

loading image
go to top