लोणंद : लोणंद नगरपंचायतीच्या नगराध्यक्षा सीमा वैभव खरात यांनी आज ऐन संक्रांतीच्या सणादिवशीच नगराध्यक्षपदाचा राजीनामा जिल्हाधिकारी संतोष पाटील यांच्याकडे दिला, तर उपनगराध्यक्ष रवींद्र क्षीरसागर यांनीही आज आपल्या पदाचा राजीनामा नगराध्यक्षा सीमा खरात यांच्याकडे दिल्याने लोणंद नगरपंचायतीचे नगराध्यक्ष व उपनगराध्यक्ष पद रिक्त झाले आहे. दरम्यान सत्ताधारी राष्ट्रवादी कॉँग्रेस अंतर्गत खांदेपालट होत असताना नगराध्यक्ष व उपनगराध्यक्षपदी आता कोणाची वर्णी लागणार याची उत्सुकता सर्वांना लागली आहे.